शेअर बाजार ; सेन्सेक्स-निफ्टीची मोठी झेप

मुंबई : आठवड्याची सुरुवात दणक्यात करणारे एका मोठ्या संधीची वाट पाहत आहेत, असा अंदाज विश्लेषकांनी व्यक्त केला आहे. सरकारने अनलॉक ५ जाहीर केला असून त्यातून अर्थव्यवस्था आणखी खुली केली जाणार आहे. त्यामुळे या तिमाहीत अर्थचक्राला गती मिळेल, अशी शक्यता आहे. त्यापार्श्वभूमीवर सेन्सेक्सने ४०० अंकांची झेप घेतली आहे. तर निफ्टी ११६ अंकांनी वधारला आहे. सलग दोन सत्रात सेन्सेक्स आणि निफ्टीमध्ये किंचित वाढ झाली होती.निफ्टी ११३०० अंकांवर स्थिरावला होता. अमेरिका आणि आशियातील शेअर बाजारात तेजी असल्याने आज भारतीय बाजार देखील त्याच दिशेने व्यवहार करतील, असा अंदाज आहे. आज बाजार केमकॉन आणि कॅम्स या दोन कंपन्यांच्या शेअरची नोंदणी होणार आहे. दरम्यान मंगळवारी ग्रे मार्केट दोन्ही कंपन्यांचे शेअर १५ टक्क्यांनी घसरले होते. आज बाजार उघडताच सेन्सेक्स ४१८ अंकांनी वधारला असून तो सध्या ३८५२२ अंकांवर आहे. तर निफ्टी १२७ अंकांनी वधारून ११३७४ अंकांवर आहे. बाजारात पीव्हीआर, आयनॉक्स या शेअरमध्ये अपेक्षितपणे १० टक्क्यांहून अधिक वाढ झाली आहे. अनलॉक-५ मध्ये सिनेमा गृहे ५० टक्के क्षमतेसह सुरु करण्यास सरकारने परवानगी दिली आहे. त्यामुळे आज या शेअरला मागणी दिसून आली. टाटा मोटर्स , बजाज ऑटो, बजाज फायनान्स, ऍक्सिस बँक, एचडीएफसी बँक, आयसीआयसीआय बँक, टीसीएस, एचसीएल टेक, टायटन, एचयूएल हे शेअर वधारले आहेत. एनटीपीसी, नेस्ले आणि ओएनजीसी या शेअरमध्ये घसरण झाली आहे. करोना व्हायरसचा प्रादुर्भाव वाढत आहे. अशातच केंद्र सकारने आता अनलॉक ५ साठी मार्गदर्शक सूचना ( ) जारी केल्या आहेत. यानुसार येत्या १५ ऑक्टोबरपासून देशात मल्टिप्लेक्स चित्रपटगृह, स्विमिंग पूल सुरू होणार आहेत. पण सरकारने यासाठी काही अटी घातल्या आहेत. सामाजिक, क्रीडा, धार्मिक, सांस्कृतिक, राजकीय कार्यक्रमांना यापूर्वीच जास्तीत जास्त १०० नागरिकांच्या उपस्थितीत आयोजित करण्याची परवानगी देण्यात आली आहे. अनलॉक - ५ च्या मार्गदर्शक सूचनांनुसार राज्य सरकार १५ ऑक्टोबरनंतर शाळा-महाविद्यालये सुरू करण्याचा निर्णय घेऊ शकतात

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3jj9ZOd