करोनापासून वृद्धांचाही बचाव होणार; चाचणीत 'ही' लस प्रभावी!

बोस्टन: अमेरिकेच्या नॅशनल इन्स्टिट्यूट ऑफ एलर्जी अॅण्ड इंफेक्शियस डिजीजेस (NIAID)आणि मॉडर्ना या बायोटेक कंपनीच्या शास्त्रज्ञांनी विकसित केलेल्या प्रतिबंधक चाचणीला मोठे यश मिळाले आहे. या लशीमुळे वयस्कर, वृ्द्धांच्या शरीरात रोगप्रतिकारक शक्ती निर्माण होत असल्याचे आढळून आले आहे. 'न्यू इंग्लंड जर्नल ऑफ मेडिसिन'मध्ये प्रकाशित झालेल्या संशोधनानुसार, वॅक्सीन mRNA-1273 ची चाचणी घेण्यात आली. या चाचणीतील सहभागी सर्व व्यक्तींवर सकारात्मक परिणाम झाला. करोनाची बाधा होण्याचा सर्वाधिक धोका हा वयस्कर व्यक्तींना अधिक असतो. त्यामुळेच ही लस महत्त्वाची ठरणार आहे. वाचा: संशोधकांनी सांगितले की, ही लस वयस्कर वर्गावर कशाप्रकारे प्रभावी ठरते, कितपत सुरक्षित आहे हे जाणून घेणे आवश्यक आहे. पहिल्या टप्प्यातील चाचणी १६ मार्च २०२० रोजी सुरू झाली होती. या चाचणीत वृद्ध, वयस्कर मंडळींचा समावेश करण्यासाठी एक महिना आणखी नोंदणी मुदत वाढवण्यात आली होती. शास्त्रज्ञांनी म्हटले की, या चाचणीत ४० निरोगी स्वयंसेवकांची नोंदणी करण्यात आली होती. त्यातील २० जण हे ५६ ते ७० वर्ष या वयोगटातील आणि २० जण हे ७१ वर्षापुढील होते. वाचा: वाचा: काही जणांमध्ये आढळले साईड इफेक्ट या चाचणी दरम्यान, लस टोचल्यानंतर काही स्वयंसेवकांना साईड इफेक्टसही जाणवले. यामध्ये ताप येणे, थकवा जाणवणे आदी लक्षणे आढळली. शास्त्रज्ञांनुसारे लस दिल्यानंतर या वयोगटातील स्वयंसेवकांच्या शरीरात SARS-CoV-2 चा सामना करण्यासाठी शरीरात अॅण्टीबॉडी विकसित झाल्याचे आढळले. वाचा: दरम्यान, अमेरिकेतील आणखी एका कंपनीने लशीची अंतिम टप्प्यातील चाचणी सुरू केली आहे. 'जॉन्सन अॅण्ड जॉन्सन'नेदेखील अंतिम टप्प्यातील चाचणी सुरू केल्याची घोषणा केली होती. त्यानंतर आता अमेरिकन कंपनी नोवावॅक्सने आपल्या लशीची अंतिम टप्प्यातील चाचणी सुरू केली आहे. नोवावॅक्सच्या या अंतिम टप्प्यातील चाचणीत १८ ते ८४ या वयोगटातील १० हजार लोकांवर लशीची चाचणी घेण्यात येणार आहे. यातील २५ टक्के व्यक्ती ६५ वर्षांहून अधिक वयाच्या असणाऱ्या आहेत. कंपनीने सांगितले की, ही चाचणी ब्रिटनच्या लस टास्कफोर्ससोबतच्या भागिदारीतून करण्यात येणार आहे. ब्रिटनच्या सरकारने कोविड-१९ ला अटकाव करणारी लस लवकर विकसित व्हावी यासाठी एप्रिल महिन्यात टास्कफोर्सची स्थापना केली होती.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2Ghz65Z