नफेखोरी जोरात ; आज सोने चांदीचा भाव गडगडला

मुंबई : मागील दोन सत्रात तेजीत आलेल्या आणि चांदीमध्ये आज गुंतवणूकदारांनी जोरदार नफावसुली केली आहे. सोन्याचा भाव ३५० रुपयांनी घसरला असून चांदीमध्ये ९८८ रुपयांची घसरण झाली आहे. मंगळवारी सोने ५० हजारांवर गेले होते. सध्या मल्टी कमॉडिटी एक्सचेंजमध्ये सोन्याचा भाव प्रती १० ग्रॅम ४९८०० रुपये झाला आहे. त्यात ३०९ रुपयांची घसरण झाली आहे. एक किलो ६४३४२ रुपये असून त्यात ८५० रुपये घसरण झाली आहे. एका अहवालानुसार नोव्हेंबर महिन्यात सोन्याच्य विक्रीत १६ टक्के वाढ झाली आहे. सोन्याचा भाव विक्रमी स्तरावर असताना देखील ग्राहकांनी सणासुदीत सोने आणि चांदीच्या दागिने खरेदीला प्राधान्य दिले. सराफा बाजारात मंगळवारी सोन्याचा भाव ८१६ रुपयांनी वधारला आणि ४९४३० रुपये झाला. एचडीएफसी सिक्युरिटीजच्या अहवालानुसार बाजारात चांदीच्या दरात ३०६३ रुपयांची वाढ झाली. एक किलो चांदीचा भाव ६४३६१ रुपये होता. ऑगस्ट महिन्यात सोने आणि चांदीने विक्रमी स्तर गाठला होता. सोन्याचा भाव ५६२०० रुपयांवर गेला होता. तर चांदीने ७७८४० रुपयांची झेप घेतली होती मात्र दोन्ही धातूंमध्ये गेल्या दोन महिन्यात मोठी नफावसुली दिसून आली. goodreturns या वेबसाईटनुसार आज बुधवारी मुंबईत २२ कॅरेट सोन्याचा भाव ४८३५० रुपये आहे. तर २४ कॅरेटचा भाव ४९३५० रुपये आहे. दिल्लीत २२ कॅरेटचा भाव ४८७५० रुपये असून २४ कॅरेटचा भाव ५३१८० रुपये आहे. कोलकात्यात २२ कॅरेटसाठी ग्राहकांना ४७५६० रुपये मोजावे लागतील. तर २४ कॅरेटचा भाव ५०६६० रुपये आहे. चेन्नईत २२ कॅरेटचा सोन्याचा दर ४७०८० रुपये असून २४ कॅरेटसाठी ५१३६० रुपये आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/33YJJmW