शेअर बाजार ; तेजीच्या लाटेत निर्देशांक उच्चांकी पातळीवर

मुंबई : ऑटो समभागांच्या नेतृत्वात भारतीय निर्देशांकांनी शुक्रवारी उच्चांकी स्थिती गाठली. फार्मा वगळता सर्व विभागातील निर्देशांक सकारात्मक स्थितीत बंद झाले. निफ्टीने ३३.९० अंकांची वृद्धी घेतली व तो ११९३०.३५ अंकांवर स्थिरावला. एसअँडपी बीएसई १२७.०१ अंकांनी वधारून ४०६८५.५० अंकांवर पोहोचला. जवळपास १०१९ शेअर्स घसरले, १६५६ शेअर्सनी नफा कमावला तर १४२ शेअर्स स्थिर राहिले. एंजल ब्रोकिंग लिमिटेडचे प्रमुख सल्लागार अमर देव सिंह यांनी सांगितले की शुक्रवारच्या व्यापारी सत्रात मारूती सुझुकी ४.२६ टक्के, एमअँडएम ३.३० टक्के, टाटा स्टील ३.२७ टक्के, पॉवर ग्रिड २.९१ टक्के आणि बजाज ऑटो २.७९ टक्के हे निफ्टीतील टॉप गेनर्स ठरले. अल्ट्रा टेक सिमेंट २.४४ टक्के, एचसीएल टेक्नोलॉजी १.५९ टक्के, हिंदुस्तान युनिलिव्हर १.५६ टक्के, श्री सिमेंट ०.४४ टक्के आणि गेल १.३५ टक्के हे निफ्टीतील सर्वाधिक घसरण नोंदवणारे शेअर ठरले. बीएसई मिडकॅप आणि बीएसई स्मॉलकॅपने अनुक्रमे ०.५९ टक्के आणि ०.७१ टक्क्याची वृद्धी केली. एशियन ग्रॅनिटो इंडियन लि फर्मच्या मंडळाने कर्ज किंवा इक्विटी साधनांद्वारे ५:१ स्टॉक स्प्लिट आणि सुमारे ४०० कोटी निधी उभारणीला मान्यता दिली. शेअर्सच्या सब डिव्हिजनला १० रुपये ते २ रुपयांच्या पूर्ण पेडअपला परवानगी दिली. एशियन ग्रॅनिटोचे शेअर्स ५.८४ टक्क्यानी वधारले आणि २७९.९० रुपयांवर बंद झाले. बायोकॉनचे शेअर्स शुक्रवारी २.७२ टक्क्यांनी घसरले आणि ४१७.९५ रुपयांवर बंद झाले. कंपनीने सप्टेंबर २०२० मध्ये संपलेल्या तिमाहीत एकत्रित निव्वळ नफ्यात २३.०१ टक्के घट नोंदवल्यानंतर हे परिणाम दिसून आले.एसबीआय कार्ड्स अँड पेमेंट सर्व्हिसेसने दुसऱ्या तिमाहीत मालमत्तेची गुणवत्ता ढासळण्याबरोबरच घट नोंदवली. कंपनीच्या निव्वळ नफ्यात ४६ टक्के घसरण झाली. २०२१ या आर्थिक वर्षाच्या दुसऱ्या तिमाहीत तो २०६ कोटी रुपये होता. कंपनीच्या शेअर्समध्ये ५.५१ टक्क्यांची घट झाली आणि ८०५ रुपयांवर बंद झाला. ई कॉमर्स मधील दिग्गज फ्लिपकार्ट ही कंपनी आदित्य बिर्ला फॅशनमध्ये २०५ रुपये प्रति शेअरनुसार, ७.८ टक्के भागभांडवल १५०० कोटी रुपयांना खरेदी करत आहे. आदित्य बिर्ला फॅशनचे शेअर्स ७.४९ टक्क्यानी वाढले आणि १६५ रुपयांवर बंद झाले. देशांतर्गत इक्विटी बाजारात खरेदी दिसून आल्याने अमेरिकी डॉलरच्या तुलनेत भारतीय रुपया ७३.५९ रुपयांवर स्थिरावला होता. अमेरिकेच्या अतिरिक्त मदतीच्या आशेमुळे साथीने विस्कळीत झालेल्या अर्थव्यवस्थेत गुंतवणूकदारांची जोखिमीची भूक वाढली. नॅसडॅकने ०.१९ टक्के वृद्धी घेतली तर एफटीएसई १०० आणि एफटीएसई एमआयबीने अनुक्रमे १.४५ टक्के आणि ० .९९ टक्क्याची वृद्धी घेतली. निक्केई २२५ ने ०.१८ टक्के आणि हँगसेंगने शुक्रवारच्या व्यापारी सत्रात ०.५४ टक्क्याची वाढ नोंदवली.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3mnxUgC