परत येणार 'बाबा का ढाबा'ची शान, सेलिब्रिटींनी सुरू केलं कॅम्पेन

मुंबई- सोशल मीडियाबद्दल कितीही वाईट बोलले तर त्याचे अनेक फायदेही आहेत. बुधवारी इण्टरनेटवर एक व्हिडिओ व्हायरल झाला. त्यात वृद्ध जोडप्याची कहाणी ऐकून संपूर्ण देश हळहळला. दिल्लीत ढाबा चालवून आपला उदरनिर्वाह करणाऱ्या जोडप्याला आता जगणं कठीण झालं आहे. ढाबा बंद असल्यामुळे कोणीही त्यांच्याकडे जेवायला जात नाही. याचमुळे दोघांना दोन वेळचं जेवणही मिळत नव्हतं. हा व्हिडिओ समोर आल्यानंतर बाबा आणि त्यांच्या ढाब्याच्या मदतीला बॉलिवूडमधील अनेक सेलिब्रिटीज पुढे आले आहेत. सोनम कपूरपासून ते आणि स्वरा भास्करपासून सुनील शेट्टीपर्यंत अनेकांनी नवं कॅम्पेन सुरू केलं आहे. व्हायरल झालेल्या व्हिडिओत ८० वर्षांचं जोडपे आहे. जे दिल्लीच्या मालवीय नगरमध्ये '' चालवतात. व्हिडिओमध्ये वृद्ध आजोबा लॉकडाउनमुळे जेवण विकू न शकल्याचं दुःख बोलून दाखवतात. गिऱ्हाईक न आल्यामुळे त्यांना पैसेही मिळाले नाहीत आणि त्यांचं रोजचं जगणं कठीण होऊन बसलं. हा व्हिडिओ 'स्वाद ऑफिशियल' या यूट्यूब चॅनेलवरून शेअर करण्यात आला. याची एक क्लिप वसुंधरा शर्मा नावाच्या ट्विटर युजरने शेअर केली. अगदी थोड्याच काळात हा व्हिडिओ सोशल मीडियावर तुफान व्हायरल झाला. आतापर्यंत या व्हिडिओला ४०.८ हजार आणि ९८.१ हजार लाईक्स मिळाले आहेत. १३ तासांत २ दशलक्षाहून अधिक लोकांनी हा व्हिडिओ पाहिला. व्हायरल व्हिडिओ पाहून प्रत्येकाचंं मन पिळवटून जात आहे. सोनम कपूरने या व्हिडिओला रिप्लाय देताना म्हटलं की, कोणीतरी मला त्यांचा नंबर देऊ शकेल का... मला त्यांची मदत करायची आहे. यानंतर स्वरा भास्करने आपल्या चाहत्यांना दिल्लीत जाऊन 'बाबा के ढाबा' मध्ये जाऊन मटर चीज खाण्याचं आवाहन केलं. स्वराने लिहिले की, 'चला दिल्लीकर ! मालवीय नगरात जाऊन 'बाबा का ढाबा' मटर चीज खाऊया! रवीना टंडननेही कॅम्पेन सुरू करत ट्विटरवर लिहिलं की, जो कोणी 'बाबा के ढाबा' येथे जाऊन जेवण करेल त्याने स्वतःचे फोटो मला पाठवावे. मी त्यांचे फोटो माझ्या ट्विटर अकाउंटवर शेअर करेन. व्हिडिओ शेअर करताना सुनील शेट्टीने लिहिले की, 'आपण त्यांच्या चेहऱ्यावर हासू आणू... आपल्या शेजारच्या विक्रेत्याला आपल्या मदतीची आवश्यकता आहे.' वृद्ध जोडपं ३० वर्षांपासून चालवत आहेत ढाबा हे जोडपे गेल्या ३० वर्षांपासून मालवीय नगरात स्वतःचा ढाबा चालवत आहेत. याचा व्हिडिओ शेअर झाल्यानंतर सोशल मीडियावर हजारो लोकांनी जोडप्याच्या मदतीसाठी हात पुढे केला. अवघ्या काही तासांमध्ये या दुकानाच्या बाहेर ग्राहकांची रांगच रांग लागली.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3lrg2kI