काळजी घ्या! नाकावाटे मेंदूपर्यंत पोहचतोय करोनाचा विषाणू

बर्लिन: करोनाच्या संसर्गाने जगभरात थैमान घातले आहे. करोनाला अटकाव करण्यासाठी विविध पातळीवर संशोधन करण्यात येत आहे. नव्या संशोधनानुसार, करोनाचा विषाणू नाकावाटे थेट मेंदूपर्यंत जातो आणि संपूर्ण शरीरावर परिणाम करत असल्याचे एका संशोधनात समोर आले आहे. 'नेचर न्यूरोसायन्स' या नियतकालिकात हे संशोधन प्रसिद्ध झाले आहे. याबाबतच्या सविस्तर अभ्यासात करोनाचा शरीराच्या विविध अवयवांपर्यंत कसा जातो याबाबतची निरीक्षणे नोंदवण्यात आली आहेत. वास, चव नसणे, डोकेदुखी, थकवा अशा प्रकारची लक्षणे संबंधित रुग्णाला दिसू लागतात. थेट मेंदूपर्यंत पोहोचल्यानेच हा त्रास होत असल्याचे अभ्यास सांगतो. या संशोधनामुळे करोना आजाराच्या दरम्यान रुग्णांमध्ये न्यूरोलॉजिकल लक्षणे काय आहेत आणि त्यांच्यावर उपचार कसे केले जावे याबाबत मदत होणार आहे. जर्मनीतील चारिटे विद्यापीठातील संशोधकांनी श्वासनलिकेची (घश्याच्या वरच्या भागापासून ते नाकापर्यंत) तपासणी केली. या संशोधनात करोनामुळे मृत्यू झालेल्या ३३ रुग्णांचाही समावेश होता. यामध्ये ११ महिला आणि २२ पुरुष होते. मृतांचे सरासरी वय हे ७१.६ टक्के होते. तर, करोनाची लक्षणे आढळण्यापासून ते मृत्यू होईपर्यंतचे सरासरी ३१ दिवस ते जगले. संशोधकांना मेंदू आणि श्वसन नलिकेत सार्स-सीओव्ही२ आरएनए आणि प्रोटीन आढळले. वाचा: दरम्यान, करोनाचा महासाथीच्या आजाराचे थैमान सुरू असताना दुसरीकडे लस विकसित करण्याचेही प्रयत्न सुरू आहेत. काही लशींची चाचणी अंतिम टप्प्यात सुरू असून प्राथमिक निष्कर्ष सकारात्मक आले आहेत. अमेरिकेत फायजरने लस वापरासाठी अर्ज केला असताना दुसरीकडे आणखी एक कंपनी सरसावली आहे. मॉडर्ना कंपनीकडूनही लस वापरासाठी अमेरिका आणि युरोपमध्ये लस वापरासाठी अर्ज दाखल करण्यात येणार आहे. वाचा: मॉडर्नाने आपली लस ९४ टक्के प्रभावी असल्याचा दावा केला आहे. तर, गंभीर प्रकरणात लस १०० टक्के परिणामकारक असल्याचे म्हटले आहे. आपत्कालीन वापरासाठी लशीला परवानगी मिळावी यासाठी अमेरिकेच्या अन्न आणि औषध प्रशासनाकडे अर्ज दाखल करण्यात येणार आहे. त्याशिवाय युरोपीयन मेडिसिन्स एजेन्सीकडेही अर्ज दाखल करण्यात येणार असल्याचे मॉडर्नाने म्हटले आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3qi7nUM