विराट कोहलीला सचिनचा मोठा विक्रम मोडण्याची संधी, हव्यात फक्त २३ धावा

कॅनबेरा: भारतीय संघाने ऑस्ट्रेलियाविरुद्धची वनडे मालिका गमावली आहे. आज दोन्ही संघात अखेरची लढत होणार असून भारतीय संघासाठी ही प्रतिष्ठेची लढत असेल. पहिल्या सामन्यात ६६ तर दुसऱ्या सामन्यात ५१ धावांनी भारताचा पराभव झाला होता. कॅनबेरा येथे होणाऱ्या तिसऱ्या लढतीत भारतीय संघा समोरचे सर्वात मोठे आव्हान म्हणजे ऑस्ट्रेलियाकडून ३-० असा क्लीन स्वीप टाळण्याचे होय. वाचा- तिसऱ्या वनडे भारताचा कर्णधार याला एक मोठा विक्रम करण्याची संधी आहे. आयसीसी क्रमवारीत अव्वल स्थानावर असेल्लया विराटने ऑस्ट्रेलियाविरुद्धच्या अखरेच्या वनडेत जर २३ धावा केल्या तर वनडे आंतरराष्ट्रीय क्रिकेटमध्ये सर्वात वेगाने १२ हजार धावा करणारा विक्रम त्याच्या नावावर होईल. वाचा- विराटने जर २३ धावा केल्या तर २४२ डावात तो १२ हजार धावा पूर्ण करेल. विराटला मास्टर ब्लास्टर सचिन तेंडुलकरचा विक्रम मागे टाकता येईल. सचिनने वनडेत १२ हजार धावा करण्यासाठी ३०० डाव खेळले होते. याआधी विराटने वनडेमध्ये सर्वात वेगाने ८ हजार, ९ हजार, १० हजार आणि ११ हजार धावा करण्याचा विक्रम पूर्ण केला आहे. वाचा- विराटच्या धावांचा वेग १ हजार धावा- २४ डाव २ हजार धावा- ५३ डाव ३ हजार धावा- ७५ डाव ४ हजार धावा- ९३ डाव ५ हजार धावा- ११४ डाव ६ हजार धावा- १३६ डावा (हाशिम अमला १२३ डाव नंतर दुसऱ्या स्थानावर) ७ हजार धावा- (हाशिम अमला १५० डाव नंतर दुसऱ्या स्थानावर) ८ हजार धावा- १७५ डाव (सर्वात वेगाने) ९ हजार धावा- १९४ डाव (सर्वात वेगाने) १० हजार धावा - २०५ डाव (सर्वात वेगाने) ११ हजार धावा- २२२ डाव (सर्वात वेगाने) वाचा- विराटने २५० वनडे सामन्यातील २४१ डावा ५९.२९च्या सरासरीने ११ हजार ९७७ धावा केल्या आहेत. त्याच्या नावावर ४३ शतक आणि ५९ अर्धशतक आहेत. सर्वाधिक शतकांच्या यादीत तो सचिन तेंडुलकरनंतर दुसऱ्या स्थानावर आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3fYAIyQ