भारतासाठी चांगली बातमी! ऑक्सफर्डच्या लशीने दिली 'ही' गुड न्यूज

लंडन: करोनाच्या थैमानाने हतबल झालेल्या जगासाठी आणि खासकरून भारतासाठी चांगली बातमी समोर आली आहे. ऑक्सफर्ड-एस्ट्राजेनकाने विकसित केलेल्या लशीच्या चाचणीचे अंतिम परिणाम प्रकाशित करण्यात आले आहे. ही लस सुरक्षित आणि प्रभावी असल्याचे म्हटले आहे. वैद्यकीय नियतकालिक 'द लॅसेन्ट'मध्ये हे संशोधन प्रकाशित करण्यात आले आहे. ऑक्सफर्ड-एस्ट्राजेनकाच्या लशीकडे संपूर्ण जगाचे लक्ष लागले आहे. त्यातच आता लस सुरक्षित आणि प्रभावी असल्याचे समोर आल्याने मोठा दिलासा मिळाला आहे. 'द लॅसेन्ट'मध्ये प्रकाशित झालेल्या संशोधनानुसार, लशीचे दोन पूर्ण डोस दिल्यानंतर लस ६२ टक्के प्रभावी आहे. तर, सुरुवातीला अर्धा डोस आणि नंतर पूर्ण डोस दिल्यानंतर लस ९० टक्के प्रभावी असल्याचे आढळून आले आहे. लस चाचणीच्या डेटानुसार, ब्रिटन, ब्राझील आणि दक्षिण आफ्रिकेमध्ये २३ हजार ७४५ जणावर लस चाचणी करण्यात आली. यातील ८२ टक्के स्वयंसेवक १८ ते ५५ या वयोगटातील होते. ५६ वर्ष व त्याहून अधिक वयोगटातील लोकांना चाचणीत नंतर सहभागी करण्यात आले. ऑक्सफर्डने म्हटले की, ५६ व त्याहून अधिक वयोगटातील लोकांच्या चाचणीच्या डेटांचे विश्लेष्ण करण्यात आले नाही. वाचा: वाचा: ऑक्सफर्डचे लस तज्ज्ञ आणि करोना लस प्रकल्पात महत्त्वाची भूमिका असणाऱ्या प्रा. सारा गिल्बर्ट यांनी मंगळवारी पत्रकार परिषदेत सांगितले की, ब्रिटनसाठी आजचा दिवस खास असून २०२० या वर्षातील आपल्या सर्वांसाठी हा सर्वात चांगला दिवस आहे. ब्रिटनमध्ये लसीकरण मोहिमेला सुरुवात झाली आहे. सुरक्षित आणि प्रभावी असल्याचे समोर आले आहे. येत्या काही दिवसांमध्ये या लशीला मंजुरी मिळेल असा विश्वासही त्यांनी व्यक्त केला. वाचा: स्वस्त दरात लस उपलब्ध होणार प्रा. सारा गिल्बर्ट यांनी ऑक्सफर्ड-एस्ट्राजेनकाच्या लशीचे उत्पादन मोठ्या प्रमाणावर करणे शक्य आहे. त्याशिवाय लशीचे दरही कमी असणार आहेत. ऑक्सफर्डची लस ही फायजर, मॉडर्नापेक्षाही कमी दरात उपलब्ध होणार असल्यामुळे अनेक विकसनशील देशांचे या लशीकडे लक्ष लागले आहे. वाचा: करोना लसीच्या वापरासाठी सीरमने मागितली मंजुरी सीरम इन्स्टिट्यूट ऑफ इंडियाने रविवारी भारतातील ऑक्सफोर्डच्या कोविड -१९ लस 'कोविशिल्ड' च्या आपत्कालीन वापराकरिता औपचारिक मान्यता मिळवण्यासाठी ड्रग्स कंट्रोलर जनरल ऑफ इंडियाकडे (DCGI) अर्ज करणारी पहिली स्वदेशी कंपनी ठरली. क्लिनिकल चाचण्यांतील चार डेटावरून असे दिसून आले आहे की करोनाची लक्षणं असलेले रुग्ण आणि विशेष करून करोनाच्या गंभीर रुग्णांवर कोविशिल्ड ही मोठ्या प्रमाणात परिणामकारक ठरली आहे. चारपैकी दोन चाचणी डेटा ब्रिटनशी आणि भारत आणि ब्राझीलशी प्रत्येकी एक संबंधित आहे, अशी माहिती सूत्रांनी दिली. ऑक्सफर्ड-एस्ट्राजेनकाची लस भारतात सीरम इन्स्टिट्यूटच्यावतीने उत्पादित करण्यात येत आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3m3EjwR