१४ व्या मजल्याच्या बाल्कनीतून खाली कोसळला चार वर्षांचा चिमुरडा

गाझियाबाद, उत्तर प्रदेश : गाझियाबादच्या सिहानी गेट परिसरात एक अतिशय दुर्दैवी आणि वेदनादायक घटना घडल्याचं समोर येतंय. एका उच्चभ्रू सोसायटीतल्या इमारतीच्या १४ व्या मजल्यावरून खाली कोसळून एका झाला. हा चिमुरडा अवघ्या चार वर्षांचा होता. रहिवाशांनी दिलेल्या माहितीनुसार, सोसायटीत राहणारे नवनीत कुमार एका खासगी कंपनीत काम करतात. ते आपल्या कुटुंबासोबत सोसायटीतील इमारतीच्या १४ व्या मजल्यावर राहतात. सायंकाळच्या सुमारास नवनीत आणि त्यांची पत्नी काही कामानिमित्तानं बाहेर पडले होते. यावेळी त्यांचा चार वर्षीय मुलगा तेजस घरात एकटाच होता. बराच वेळ आई-वडिलांची वाट पाहणारा लहानगा तेजस बाल्कनीत एकटाच खेळत होता. खेळता खेळता त्यानं दोन स्टुल एकावर एक ठेवून इमारतीच्या खाली नजर लावून बसला होता. या दरम्यान अचानक लहानग्या शरीराचा झोक खालच्या दिशेनं गेला आणि तो १४ व्या मजल्यावरून थेट इमारतीच्या तळ मजल्यावर कोसळला. त्याचा झाला. वाचा : वाचा : इमारतीच्या परिसरात उपस्थित असणाऱ्या लोकांनी तेजसला पडताना पाहिलं तेव्हा त्यांच्या काळजात धस्स् झालं. घाईघाईनं काही जणांनी मुलाला उचललं आणि रुग्णालयात धाव घेतली. परंतु, रुग्णालयातील डॉक्टरांनी मुलाला मृत घोषित केलं. या घटनेची पोलिसांनीही नोंद घेतलीय. पोलीस अधीक्षक अभिषेक वर्मा यांनी दिलेल्या माहितीनुसार, पोलिसांनी घटनास्थळी पोहचून मुलाचा मृतदेह ताब्यात घेतला. मृतदेह शवविच्छेदनासाठी पाठवण्यात आलाय. प्राथमिक तपासात, आई-वडील बाजारात गेले असताना मुलगा घरात एकटा असल्याचं आढळलंय. ज्या बाल्कनीतून मुलगा खाली कोसळला तिथे दोन स्टूल आढळले आहेत. त्यामुळे, लहानगा तेजस तोल जाऊन बाल्कनीतून कोसळल्याचं प्राथमिकदृष्ट्या दिसत असल्याचं पोलिसांनी म्हटलंय. या दुर्दैवी घटनेनं केवळ तेजसच्या कुटुंबीयांनाच नाही तर संपूर्ण परिसराला धक्का बसलाय. वाचा : वाचा :

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3pfWMtc