कोल्हापूर: भीक नको, शेतकऱ्यांना त्यांचा हक्क द्या, जादा नको, तुम्ही शब्द दिलाय तेवढं तरी द्या अशी मागणी करत समरजितराजे घाटगे शेतकऱ्यांच्या बांधावर पोहोचले. राजे बांधावर येताच शेतकऱ्यांच्या व्यथा, वेदना अनेकांच्या ओठावर आले. अजून सहन तरी किती करायचे असे विचारत शेतकऱ्यांनी सरकारवर आपला रोष व्यक्त केला. निमित्त होते शिवार संवाद यात्रेचे. छत्रपती शाहू महाराजांचे जनक घराणे म्हणून शेतकऱ्यांच्या प्रश्नावर राजर्षि शाहूंच्या जनपंचायत संकल्पनेवर आधारित शिवार_संवाद दौऱ्याचा भाजपने शुभारंभ केला. पक्षाचे जिल्हाध्यक्ष यांच्या संकल्पनेतील या जिल्हा दौऱ्याची सुरुवात करवीर तालुक्यातील चिंचवाड येथून झाली. यानंतर त्यांनी तालुक्यातील विविध गावच्या शेतकऱ्यांच्या व्यथा थेट बांधावर जाऊन समजावून घेतल्या. शेतकऱ्यांना त्यांच्या हक्काची व शासनाने जाहीर केलेली मदत द्या, अशी मागणी यावेळी केली. तर शेतकऱ्यांना न्याय मिळाल्याशिवाय स्वस्थ बसणार नाही, असे वचनही शेतकरी बांधवांना दिले. वाचा: समरजित घाटगे म्हणाले, सद्या शेतकरी चोहोबाजूंनी आर्थिक अडचणीत सापडला आहे. सरकारने कर्जमाफी योजना जाहीर केली. सात महिने उलटले तरी प्रामाणिक कर्ज भरणाऱ्या शेतकऱ्यांना पन्नास हजार रुपयांचे प्रोत्साहनपर अनुदान मिळालेले नाही. दोन लाखांच्या आतील थकबाकीदार कर्जदार काही शेतकरीही कर्जमाफीपासून वंचित आहेत. तसेच दोन लाखाच्या वरील शेतकऱ्यांच्या कर्जमाफी बाबत सरकार कोणताही शब्द काढण्यास तयार नाही. सरकारने केवळ घोषणा केल्या आहेत. त्यांनी दिलेला शब्द पाळावा एवढीच शेतकऱ्यांची अपेक्षा आहे. वाचा: माजी आमदार महाडिक म्हणाले, प्रत्येक गोष्टीला राज्य सरकार केंद्राकडे बोट दाखवत आहे. राज्य सरकारमधील प्रतिनिधींना जनतेने निवडून दिले आहे. त्यांची काही जबाबदारी आहे की नाही. कृषी विधेयक फायद्याचा आहे, तरीही त्याबद्दल दिशाभूल केली जात आहे. शेतकऱ्यांच्या शिवारात जाऊन भाजपच्या नेत्यांनी हा संवाद साधला. यामध्ये माजी आमदार अमल महाडिक , किसान मोर्चाचे जिल्हाध्यक्ष भगवान काटे यांच्यासह अनेकजण उपस्थित होते. यावेळी किसान मोर्चाचे अध्यक्ष भगवानराव काटे, तुकाराम बोडके, रंगराव तोरसस्कर, संघर्ष कांबळे यांनी शेतकऱ्यांच्या व्यथा मांडल्या. वाचा:
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/38hecQ0
0 Comments