जिनेव्हा: करोनाच्या संसर्गाला अटकाव करण्यासाठी जगभरात प्रयत्न सुरू आहेत. काही लशींची चाचणी अंतिम टप्प्यात आली आहे. या वर्षाखेर अथवा पुढील वर्षात पहिल्या तीन महिन्यात लस बाजारात उपलब्ध होण्याची दाट शक्यता आहे. मात्र, निरोगी युवकांना या लशीची आणखी काही वर्षे प्रतिक्षा करावी लागण्याची शक्यता आहे. तसे स्पष्ट संकेत जागतिक आरोग्य संघटनेने दिले आहेत. जागतिक आरोग्य संघटनेच्या मुख्य वैज्ञानिक सौम्या स्वामीनाथन यांनी एका ऑनलाइन प्रश्नोत्तरात यावर भाष्य केले आहे. लस विकसित झाल्यानंतर पहिल्यांदा आरोग्य कर्मचारी, फ्रंटलाइन वर्कर्स यांना लशीसाठी प्राधान्य देण्यात येणार आहे. मात्र, त्यातही अधिक धोका कोणाला आहे, हे देखील पाहिले जाणार आहे. त्यांच्यानंतर वृद्ध, वयस्करांना प्राधान्य देण्यात येणार आहे. लस विकसित झाल्यानंतरही अनेक सूचना, निर्देश जारी होतील. मात्र, निरोगी व्यक्ती आणि युवकांना लस घेण्यासाठी २०२२ पर्यंतची प्रतिक्षा करावी लागणार आहे. वाचा: मागणी एवढ्या लशीचे उत्पादन झालेले नाही. त्यामुळे पुढील वर्षी २०२१ मध्ये लस साठा मर्यादित असणार आहे. त्यामुळे उपलब्ध लस कोणाला देण्यात यावी याचा निर्णय घेण्यास प्रत्येक देशाला सोपे जावे यासाठी एक संरचना तयार करण्यात आली असल्याचे स्वामीनाथन यांनी सांगितले. लस आल्यानंतरही सर्व काही सुरळीत होईल, असा समजही करता कामा नये असेही त्यांनी स्पष्ट केले. वाचा: दरम्यान, ऑक्सफर्डची लस नाताळापूर्वी उपलब्ध होईल याची खात्री नसल्याचे ब्रिटन सरकारच्या वॅक्सिन टास्कफोर्सचे प्रमुख केट बिंघम यांनी सांगितले. ऑक्सफर्डच्या लस चाचणीबाबतचे परिणाम नोव्हेंबर-डिसेंबर महिन्यात अपेक्षित आहे. वाचा: वाचा: 'या' लशींकडेही लक्ष! ऑक्सफर्ड-एस्ट्राजेनकाशिवाय Pfizer आणि NBioTech या कंपन्यांच्या लशीही अंतिम टप्प्यात आहेत. या लशींच्या चाचणीचे परिणामही लवकरच समोर येण्याची शक्यता आहे. त्याशिवाय Valneva, Novavax, Johnson & Johnson आणि GlaxoSmithKline या लशींसाठीही ब्रिटनने करार केला आहे. Johnson & Johnson ने आपली तिसऱ्या टप्प्यातील चाचणी थांबवली आहे. सगळं काही सुरळीत राहिल्यास या वर्षाखेर लस येऊ शकते. मात्र, त्याची शक्यता कमी असल्याचे त्यांनी स्पष्ट केले.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/318EJdJ
0 Comments