लडाखजवळ चीनने डागली क्षेपणास्त्रे ; रात्रीच्या वेळी केला युद्ध सराव

बीजिंग: लडाख पूर्व भागातील प्रत्यक्ष नियंत्रण रेषेजवळ भारत-चीन दरम्यान तणाव वाढत चालला आहे. भारतीय सैन्याने पॅन्गाँग त्सो सरोवराजवळ दाखवलेल्या आक्रमकतेमुळे चीन हडबडला आहे. आता चीनने भारतावर दबाव निर्माण करण्यासाठी नव्या क्षेपणास्त्रांची चाचणी केली आहे. तर, रात्रीच्या वेळी युद्ध सरावही केला आहे. चीन सरकारचे वृत्तपत्र असलेल्या 'ग्लोबल टाइम्स'ने याबाबतचे वृत्त दिले आहे. चीनच्या 'पीपल्स लिबरेशन आर्मी'ने (पीएलए) रात्रीच्या वेळी युद्ध सराव केला आहे. या दरम्यान चिनी सैन्याने अनेक रॉकेट्स डागले असून विविध प्रकारच्या बॉम्बची चाचणी केली. चीन आणि भारतादरम्यान मे महिन्यापासून सुरू झालेला तणाव निवळण्याऐवजी तो अधिकच गंभीर होत असल्याचे दिसत आहे. गलवान खोऱ्यातील हिंसक संघर्षानंतर पॅन्गाँग सरोवराजवळही दोन्ही देशांच्या सैन्यामध्ये संघर्ष झाला. भारतीय जवानांनी दाखवलेल्या आक्रमकेतमुळे चीनचा घुसखोरीचा डाव उधळला गेला. त्यानंतर चीनने या भागात सैन्याची कुमक वाढवली असून शस्त्र सज्ज ठेवली आहेत. वाचा: वाचा: ग्लोबल टाइम्सने संरक्षण विश्लेषकांच्या हवाल्याने सांगितले की, चिनी सैन्याने कुमक वाढवली असून घातक शस्त्रेही तैनात केली आहेत. एअर डिफेन्स, सशस्त्र वाहने, पॅराट्रूपर, स्पेशल फोर्स देशातील विविध भागातून बोलावण्यात आली आहेत. पीएलएच्या सेंट्रल थिएटर कमांड एअर फोर्सच्या एच-६ बॉम्बर आणि वाय-२० ट्रान्सपोर्ट एअरक्राफ्ट ट्रेनिंग मिशनसाठी या ठिकाणी तैनात केले आहेत. वाचा: पीएलएच्या तिबेट मिलिट्री कमांडने ४५०० मीटर उंचावर संयुक्त ब्रिगेड स्ट्राइक सराव केला. पीएलएच्या ७२ व्या ग्रुप सैन्यदेखील दाखल झाले आहे. एअर डिफेन्स ब्रिगेडनेही लाइव्ह फायर ड्रिलही केली. यामध्ये अॅण्टी एअरक्राफ्ट गन आणि क्षेपणास्त्रांचा सराव करण्यात आला. मागील काही दिवसांपासून चीन सातत्याने आपण युद्धासाठी सज्ज असल्याचे दाखवत आहे. त्यासाठी सरकारी वृत्तपत्रांचाही आधार घेतला जात आहे. दरम्यान, भारतासोबत पुन्हा संघर्ष उद्भवू शकतो अशा ठिकाणी चीन अधिक सैन्य आणि रणगाडे तैनात करत आहे. सुत्रांनी दिलेल्या माहितीनुसार, भारत आणि चीनचे जवळपास एक लाख सैन्य लडाख पूर्व भागात तैनात आहेत. चर्चेतून तणाव कमी होईल अशी आग्रही भूमिका चीन मांडत असला तरी जमिनीवर परिस्थिती वेगळी आहे. चीन या भागात आपले सैन्य अधिकच बळकट करत आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3m3go29