पेट्रोल-डिझेल स्वस्त ; हा आहे आजचा भाव

मुंबई : जागतिक बाजारात कच्च्या तेलाच्या किमती स्थिर असल्याने पेट्रोलियम कंपन्यांनी शनिवारी देशातील इंधन दरात कपात केली आहे. याआधी सलग दोन दिवस इंधन दर स्थिर ठेवले होते. कंपन्यांनी आज पेट्रोल दरात ११ ते १३ पैसे आणि डिझेल १२ पैशांची कपात केली आहे. आज शनिवारी मुंबईत पेट्रोलचा भाव प्रती लीटर ८८.५१ रुपये आणि डिझेलचा भाव ७९.४५ रुपये झाला आहे. दिल्लीत आजचा पेट्रोलचा भाव ८१.८६ रुपये असून डिझेलचा भाव ७२.९३ रुपये आहे. चेन्नईत पेट्रोल ८४.८५ रुपये असून डिझेल ७८.२६ रुपये झाला आहे. कोलकात्यात पेट्रोल ८३.३६ रुपये आहे. डिझेल ७६.४३ रुपये प्रती लीटर झाला आहे. देशात पेट्रोल आणि डिझेल नियंत्रणमुक्त आहेत. २०१० मध्ये सरकारने पेट्रोल नियंत्रणमुक्त केले होते. तर २०१४ मध्ये नियंत्रणमुक्त करण्यात आले. देशात इंधन दर जागतिक बाजाराशी संलग्न करण्यात आले आहेत. दररोज सकाळी सहा वाजता कंपन्यांकडून इंधन दर आढावा घेतला जातो. १६ मार्चपासून पेट्रोलियम कंपन्यांनी ८३ दिवस पेट्रोल आणि डिझेलचे दर स्थिर ठेवले होते. अनलॉकच्या दिशेनं वाटचाल करणाऱ्या अर्थव्यवस्थेची घडी आता पूर्वपदावर येत आहे. इंधन मागणी देखील वाढत आहे. गेल्या महिन्यात झालेल्या पेट्रोल आणि डिझेल दरवाढीने ग्राहकांच्या खिशाला चाट बसली होती. या दरवाढीने दिल्लीत डिझेलचा भाव पेट्रोलच्या पुढे गेला. डिझेल सार्वकालीन उच्चांकावर गेलं होते. केंद्र आणि राज्य सरकारच्या स्थानिक कराच्या बोजाने पेट्रोल आणि डिझेलचे भाव भरमसाठ वाढले आहेत. यावर विविध माध्यमातून टीका झाली. त्यानंतर ३० जुलै रोजी दिल्ली सरकारने डिझेलमध्ये ८.३६ रुपये शुल्क कपात केली. त्यामुळे दिल्लीत डिझेलचा दर प्रती लीटर ७३.५६ रुपये प्रती लीटर झाला होता. देशात करोनाची परिस्थिती चिंताजनक असल्याचं आकलन समोर दिसणाऱ्या आकड्यांवरून करता येऊ शकेल. आरोग्य मंत्रालयाच्या अधिकृत आकडेवारीनुसार, गुरुवारी देशात रेकॉर्डब्रेक ९६ हजार ५५१ रुग्णांची भर पडलीय तर एकाच दिवशी तब्बल १ हजार २०९ जणांनी करोनामुळे आपले प्राण गमावलेत. याचसोबत देशातील एकूण रुग्णांची संख्या ४५ लाख ६२ हजार ४१५ वर पोहचलीय. एकूण रुग्णांच्या संख्येपैंकी ९ लाख ४३ हजार ४८० जणांवर उपचार सुरू आहेत. भारतात आत्तापर्यंत ३५ लाख ४२ हजार ६६४ रुग्णांनी करोनावर मात केलीय तर भारतात करोनामुळे मृत्यू पावलेल्या रुग्णांची एकूण संख्या ७६ हजार २७१ वर पोहचलीय.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2DWQyLY