हुक्का पार्लरवर पोलिसांची धाड, ५० जण ताब्यात

: गाझियाबादच्या कौशांबी भागातील हुक्का पार्लरवर कारवाई करत पोलिसांनी अचानक धाड टाकली. या कारवाईत ५० हून अधिक तरुण - तरुणींना अटक करण्यात आलीय. मिळालेल्या माहितीनुसार, कौशांबी भागातील एन्जेल मॉलमधल्या एका रेस्टॉरन्टमध्ये अवैध पद्धतीनं सुरू होतं. तसंच इथं ग्राहकांना दारुही उपलब्ध होत होती. पोलिसांना याची गुप्त सूचना मिळाल्यानंतर धडक कारवाई करत पोलिसांनी उपस्थित तरुण - तरुणीना ताब्यात घेतलं. नशेसोबतच इथं उपस्थित असलेल्या गर्दीमुळे करोना संक्रमणाचा धोकाही वाढला होता. 'नो रुल्स' नावाच्या या रेस्टॉरन्टमध्ये पोलिसांना दारु आणि हुक्के सापडले. काही तक्रारी मिळाल्यानंतर पोलीस आणि प्रशासनानं इथं अचानक धाड टाकली. रेस्टॉरन्टमध्ये उपस्थित असलेल्या गर्दीकडून सोशल डिस्टन्सिंगच्या नियम कुणीही पाळले नाहीत तसंच अनेकांनी मास्कचाही वापर केला नव्हता वाचा : वाचा : गाझियाबादचे पोलिस अधीक्षक (शहर) अभिषेक वर्मा यांनी दिलेल्या माहितीनुसार, कौशांबी भागातील एन्जेल मॉलमधल्या नो रुल्स नावाच्या एका रेस्टॉरन्टवर ही कारवाई करण्यात आलीय. इथे दारुही ग्राहकांना उपलब्ध होत होती. छाप्यादरम्यान इथं ५० हून अधिक तरुण - तरुणी उपस्थित होते. महामारी कायदा आणि इतर कायद्याच्या कलमान्वये सर्वांविरोधात गुन्हे दाखल करण्यात आलेत. अलाहाबादच्या उच्च न्यायालयानं लखनऊ खंडपीठानं राज्यात हुक्का पार्लरवर बंदी आणलीय. कोणत्याही प्रकारच्या रेस्टॉरन्ट आणि कॅफेमध्ये हुक्का बार चालवण्याची परवानगी दिली जाऊ नये, असे आदेश उच्च न्यायालयानं मुख्य सचिवांना दिलेत. वाचा : वाचा :

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3bPiH3S