'या' देशात करोनाचा हाहाकार; सात दिवसांत १० हजारांहून अधिक मृत्यू

वॉशिंग्टन: अमेरिकेत करोनाच्या संसर्गाने थैमान घातले आहे. महासाथीसोबत दोन हात करत असलेल्या अमेरिकेतील परिस्थिती चिघळत असल्याचे चित्र आहे. मागील एका आठवड्यात १० हजारांहून अधिक करोनाबाधितांचा मृत्यू झाला आहे. अमेरिकेत आतापर्यंत दोन लाख ७० हजारांहून अधिकजणांचा मृत्यू झाला आहे. अमेरिकेत जगभरातील सर्वाधिक बाधित असून सर्वाधिक मृतांचीही नोंद करण्यात आली आहे. अमेरिकेत करोनाने हाहाकार माजवला आहे. आतापर्यंत एक कोटी ३७ लाखांहून अधिकजणांना करोनाची बाधा झाली आहे. अमेरिकेतील जॉन हॉपकिन्स विद्यापीठाच्यावतीने दिलेल्या माहितीनुसार, अमेरिकेत आतापर्यंत दोन लाख ७० हजार ४८१ जणांचा मृत्यू झाला आहे. तर बाधितांची संख्या एका कोटी ३७ लाख ९ हजार ४५२ इतकी झाली आहे. वाचा: अमेरिकेतील न्यूयॉर्क, न्यू जर्सी, टेक्सास आणि कॅलिफोर्निया राज्यात करोनाचा संसर्ग मोठ्या प्रमाणावर झाला आहे. न्यूयॉर्कमध्ये ३४ हजार ६६२ जणांचा करोनामुळे मृत्यू झाला आहे. तर, न्यू जर्सीमध्ये आतापर्यंत १७ हजार जणांचा मृत्यू झाला आहे. टेक्सासमध्येही मृतांची संख्या २२ हजार ११४ वर पोहचली आहे. तर, फ्लोरिडामध्ये १८ हजार ६७९ जणांचा मृत्यू झाला आहे. वाचा: अमेरिकेत करोनाचे थैमान सुरू असताना त्याला आटोक्यात आणण्याचे प्रयत्न सुरू आहेत. फायजर आणि मॉडर्ना यांनी विकसित केलेल्या लशीची तिसऱ्या टप्प्यातील चाचणीचे परिणाम सकारात्मक आले आहेत. या दोन्ही कंपन्यांनी अमेरिका प्रशासनाकडे आपात्कालीन परिस्थितीत लस वापरासाठी परवानगी मागितली आहे. येत्या काही दिवसात अमेरिकेत लस उपलब्ध होण्याची शक्यता आहे. नाताळापर्यंत अमेरिकेत दोन लस उपलब्ध असतील, अशी चर्चा आहे. वाचा: दरम्यान, जगभरात करोनाचे थैमान सुरू असून बाधितांच्या संख्येत मोठी वाढ झाली आहे. अनेक देशांमध्ये हिवाळ्याची चाहूल लागताच करोनाबाधितांच्या संख्येत वाढ होऊ लागली आहे. नोव्हेंबर महिन्यात सर्वाधिक आढळले आहेत. दरररोज सरासरी साडे पाच लाख ते सहा लाखांपर्यंत करोनाबाधितांची नोंद करण्यात आली आहे. मात्र, भारतात करोनाबाधितांची संख्या कमी होत असल्याचे चित्र आहे. नोव्हेंबर महिन्यात आढळलेल्या करोनाबाधितांची संख्या ऑक्टोबर महिन्याच्या तुलनेने दुप्पट आहे. ऑक्टोबर महिन्यात दररोज सरासरी ३.८१ लाख करोनाबाधित आढळत होते. वर्ल्डोमीटर या संकेतस्थळाने दिलेल्या माहितीनुसार, २८ नोव्हेंबरपर्यंत जगभरात ६ कोटी २५ लाख ५४ हजार ८६४ जणांना करोनाची बाधा झाली आहे. एक नोव्हेंबर ते २८ नोव्हेंबर दरम्यान एक कोटी ६१ लाखांहून अधिक करोनाबाधित आढळले. या २८ दिवसांत दररोज जवळपास ५.७५ लाख करोनाबाधित आढळले. ऑक्टोबर महिन्याच्या अखेरीस जगभरात ४ कोटी ६४ लाख ५४ हजार १५८ करोनाबाधितांची नोंद करण्यात आली. ऑक्टोबर महिन्यात एक कोटी १८ लाख बाधित आढळले होते. या महिन्यात दर दिवशी प्रति दिवस सरासरी ३.८१ लाख नवीन करोनाबाधितांची नोंद करण्यात आली.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/33yBYnx