इंधन दर ; पेट्रोल दराने गाठला दोन वर्षातील उच्चांकी स्तर

मुंबई : जागतिक बाजारातील कच्च्या तेलाच्या दरवाढीचा भार ग्राहकांवर टाकणाऱ्या पेट्रोलियम कंपन्यांनी आज मंगळवारी इंधन दर जैसे थेच ठेवले आहेत. आज पेट्रोल आणि डिझेलमध्ये कोणताही बदल झाला नाही. मात्र मागील १५ दिवसांत झालेल्या दरवाढीने पेट्रोलचा भाव २५ महिन्यांच्या उच्चांकी स्तरावर गेला आहे. कंपन्यांनी दरवाढीचा सपाटा लावला होता. यात पेट्रोल १.२८ रुपये आणि डिझेल १.९६ रुपयांनी महागले. दिल्लीत सोमवारी ८२.३४ रुपये होता. जो १९ ऑक्टोबर २०१८ नंतरचा सर्वाधिक दर आहे. तर डिझेल ७२.४२ रुपये होते. १६ सप्टेंबरनंतरचा डिझेलचा उच्चांकी दर आहे. जागतिक बाजारात तेलाच्या किमतींमध्ये स्थैर्य आणण्यासाठी ओपेक देशांच्या सदस्यांची सोमवारी बैठक झाली, मात्र त्यात कोणताही निर्णय होऊ शकला नाही. करोना प्रतिबंधात्मक लसीचे जगभरात उत्पादन सुरु झाले आहे. लवकरच या लसीचे वितरण होणार आहे. यामुळे करोना नियंत्रण शक्य असल्याने अर्थव्यवस्था सावरेल आणि इंधन मागणी वाढेल, असे अंदाज ओपेकने बांधले आहेत. वाचा : दरम्यान, पुरवठा नियंत्रित करण्यासाठी ओपेक संघटनेतील प्रमुख देश सौदी अरेबियाने नव्या वर्षात उत्पादन कपातीची भूमिका घेतली आहे. तीन महिने उत्पादन कपात ठेवावी अशी भूमिका घेण्यात आली आहे. मात्र त्यावर कोणताही निर्णय झाला नाही. आज सिंगापूरमध्ये क्रूडचा भाव प्रती बॅरल ४५.२४ डॉलर झाला. त्यात ०.१० डॉलरची घट झाली. तर ब्रेंट क्रूडचा भाव ०.५९ डॉलरने घसरला आणि तो ४७.५९ डॉलर झाला आहे. आज मुंबईत पेट्रोलचा भाव प्रती लीटर ८९.०२ रुपये आणि डिझेल ७८.९७ रुप झाला आहे. दिल्लीत आजचा पेट्रोलचा भाव ८२.३४ रुपये असून डिझेल ७२.४२ रुपये आहे. चेन्नईत पेट्रोल ८५.३१ रुपये असून डिझेल ७७.८४ रुपये आहे. कोलकात्यात पेट्रोल ८३.८७ रुपये आहे. डिझेलचा भाव ७५.९९ रुपये प्रती लीटर झाला आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/36pifZ5