तो बघ शाहरुख! किंग खान बाजूने चालत गेल्याचंं कोणाला कळलंच नाही

मुंबई- बॉलिवूडचा किंग खान म्हणजेच शाहरुख खानचे चाहते तो मोठ्या स्क्रीनवर परतण्याची आतुरतेने वाट पाहत आहेत. आयपीएलमध्ये त्याचा नवीन लुक समोर आल्यानंतर चाहते त्याच्या सिनेमाची उत्सुकतेने वाट पाहत आहेत. आता आयपीएल संपल्यानंतर त्याने आपल्या आगामी ‘’ सिनेमाच्या चित्रीकरणाला सुरुवात केली. अलीकडेच तो मुंबईच्या गेट वे ऑफ इंडियावर फेरफटका मारताना दिसला. सर्वसामांन्यांमध्ये फिरताना त्याला पटकन कोणी ओळखलं नाही. काळ्या रंगाची ट्राऊझर, पांढरा टी शर्ट आणि राखाडी रंगाची हुडी त्यानं घातली होती. पण, मास्क आणि गॉगल यामुळे तो आहे हे कोणाच्याही लक्षात आलं नाही. आगामी 'पठाण'च्या चित्रीकरणानिमित्त तो तिथे आला होता असं समजतंय. या सिनेमातील त्याचा लुक बराच चर्चेत आहे. आयपीएलदरम्यान दिसलेल्या त्याच्या या लूकमध्ये वेगळा दिसला होता. म्हणूनही त्याला तिथे फारसं कोणी ओळखलं नसेल असं बोललं जातंय. त्याचा हा नवा लुक त्याच्या चाहत्यांना प्रचंड आवडला आहे. सर्वसामांन्यांच्या नजरेत शाहरुख आला नसला तरी छायाचित्रकारांच्या नजरेतून मात्र तो सुटला नाही. शाहरुख खानने आपल्या 'पठाण' सिनेमाच्या चित्रीकरणातून वेळ काढत थोडा बोटीने प्रवास केल्याचं म्हटलं जात आहे. तो स्पीड बोटमध्ये बसून अलिबागच्या दिशेने गेला. शाहरुखच्या बोट राइडचे व्हिडिओ आणि फोटो सध्या सोशल मीडियावर व्हायरल होत आहेत. दरम्यान, 'पठाण' सिनेमाचं चित्रीकरण १८ नोव्हेंबरपासून सुरू झालं आहे. शाहरुखसोबत जॉन अब्राहम आणि दीपिका पादुकोणही या सिनेमात दिसणार आहे. याशिवाय सिनेमात सलमान खानदेखील पाहूण्या कलाकाराची व्यक्तिरेखा साकारणार असल्याचं म्हटलं जात आहे. शाहरुखच्या या मेगा बजेट सिनेमासाठी सलमान स्वतंत्रपणे १२ दिवस देणार असल्याचंही बोललं जात आहे. 'वॉर'सारख्या सुपरहिट सिनेमाचं दिग्दर्शन करणारे सिद्धार्थ आनंद 'पठाण' सिनेमाचं दिग्दर्शन करत आहेत.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3m8SSjM