कमाॅडिटी बाजार ; सोने दरात घसरण तर चांदी तेजीत

मुंबई : कमॉडिटी बाजार सध्या अमेरिकेतील राष्ट्राध्यक्षपदाच्या मतमोजणीवर हेलकावे घेत आहे. बड्या गुंतवणूकदारांच्या नजरा या मतमोजणीकडे लागल्या आहेत. परिणामी कमॉडिटी बाजारात उलथापालथ वाढली आहे. गुरुवारच्या सत्रात तेजीत असलेल्या सोन्याच्या किमतीत घसरण झाली आहे. चांदीच्या दरात वाढ झाली आहे. मल्टी कमॉडिटी एक्सचेंजमध्ये () शुक्रवारी सोने घसरले असून मात्र वधारला आहे. सध्या सोन्याचा भाव प्रती १० ग्रॅम ५१७७० रुपये आहे. त्यात २८५ रुपयांची घट झाली आहे. चांदीत मात्र ७० रुपयांची वाढ झाली असून एक किलोचा भाव ६४३२३ रुपये झाला आहे. एचडीएफसी सिक्युरिटीजच्या माहितीनुसार दिल्लीतील सराफा बाजारात गुरुवारी सोन्याचा भाव १५८ रुपयांनी वधारला आणि ५०९८० रुपये झाला. चांदीचा भाव ६९७ रुपयांनी वाढला आणि एक किलोला ६२०४३ रुपये झाला. goodreturns.in या वेबसाईटनुसार शुक्रवारी मुंबईत २२ कॅरेट सोन्याचा भाव प्रती १० ग्रॅम ५०२७० रुपये आहे. तर २४ कॅरेटचा भाव ५१२७० रुपये आहे. दिल्लीत २२ कॅरेटचा भाव ४९६६० रुपये असून २४ कॅरेटचा भाव ५४१७० रुपये आहे. कोलकात्यात ग्राहकांना २२ कॅरेट सोने खरेदीसाठी ४९९९० रुपये मोजावे लागत आहेत. तर २४ कॅरेटचा भाव ५२६९० रुपये आहे. चेन्नईत २२ कॅरेट सोने प्रती १० ग्रॅमसाठी ४८११० रुपये आहे. २४ कॅरेटसाठी तो ५२४७० रुपये आहे. जागतिक बाजारात सोन्याचा भाव प्रती औंस १९४०.८६ डॉलर आहे. त्यात २.४ टक्क्यांची वाढ झाली. मागील महिनाभरात सोन्याचा हा उच्चांकी स्तर असल्याचे कमॉडिटी विश्लेषकांचे म्हणणे आहे. चांदीचा भाव प्रती औंस २४.९३ डॉलर असून त्यात १.६ टक्क्यांची घसरण झाली. अमेरिकेत मतमोजणी सुरू असून अद्यापही निकाल जाहीर झाले नाहीत. मतमोजणीत गैरप्रकार होत असल्याचा आरोप डोनाल्ड ट्रम्प यांच्याकडून सातत्याने होत असून त्यांनी कोर्टात जाण्याचा निर्णय घेतला होता.मात्र, मिशिगन आणि जॉर्जिया कोर्टाने ट्रम्प यांना धक्का दिला असून त्यांच्या याचिका फेटाळल्या आहेत. अमेरिकेच्या राष्ट्राध्यक्षपदासाठीचे प्रत्यक्ष मतदान संपल्यानंतर मतमोजणी सुरू झाली आहे. सुरुवातीच्या मतमोजणी कलानुसार, विद्यमान राष्ट्राध्यक्ष डोनाल्ड ट्रम्प आणि डेमोक्रॅटीक पक्षाचे उमेदवार जो बायडन यांच्यात अटीतटीची लढत सुरू असल्याचे समोर आले होते. त्यानंतर आता डेमोक्रॅटीक पक्षाचे उमेदवार जो बायडन यांनी निर्णायक आघाडी घेतली असून विजयासमीप ते पोहचले आहेत. तर, दुसरीकडे ट्रम्प यांनी मतमोजणीत गैरप्रकार सुरू असल्याचा आरोप केला आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2TYpNLn