ज्योतिरादित्य शिंदे गोंधळले, काँग्रेसला मतदान करण्याचं आवाहन

भोपाळ : मध्य प्रदेश विधानसभेच्या २८ जागांवर येत्या रोजी पोटनिवडणूक होणार आहे. यासाठी नेत्यांची लगबग सुरू आहे. भरगच्च जाहीर सभांमध्ये आपल्याच पक्षाला समर्थन देण्यासाठी नेते मतदारांना आवाहन करताना दिसत आहेत. सर्वच नेत्यांनी आपली ताकद पणाला लावलीय. काँग्रेसला रामराम ठोकत भाजपच्या गोटात शिरलेले हेदेखील आपल्या पक्षासाठी जोर लावत मैदानात उतरलेले आहेत. मात्र, एका जनसभेत ज्योतिरादित्य शिंदे आपला पक्षच विसरले... आणि त्यांनी चक्क काँग्रेससाठीच जनतेकडे मतांची याचना केली. स्टेजवर उपस्थित असलेल्या नेते मात्र ज्योतिरादित्य यांच्याकडे केवळ पाहातच राहिले. शनिवारी डबरामध्ये भाजप उमेदवार इमरती देवी यांच्या समर्थनासाठी एक सभा आयोजित करण्यात आली होती. या दरम्यान ज्योतिरादित्य शिंदे यांनीही या सभेला हजेरी लावली. याच दरम्यान हा प्रसंग घडला. '३ तारखेला पंजेवाला बटण दाबलं जाईल' असं म्हणताना ज्योतिरादित्य शिंदे या व्हिडिओत दिसत आहेत. 'हात उंचावून शिवराज सिंह आणि आम्हाला हा विश्वास द्या, माझी डबराची जनता, माझी शानदार आणि जानदार डबराची जनता... ३ तारखेला हाताचा पंजा असलेलं बटण दाबलं जाईल'... असं म्हणत असतानाच ज्योतिरादित्य शिंदे यांना आपल्या मोठ्या चुकीची जाणीव झाली. मग लगेचच त्यांनी आपलीच जीभ चावत, 'कमळाचे फूल असलेलं बटन दाबणार आणि हाताचा पंजाच्या बटणाला बोरिया बिस्तर बांधून आम्ही इथून रवाना करणार' असं म्हणत वेळ सावरून नेली. वाचा : वाचा : ज्योतिरादित्य शिंदे यांचा हा व्हिडिओ सोशल मीडियावर व्हायरल झालाय. चक्क काँग्रेसनंही त्यांचा हा व्हिडिओ आपल्या सोशल मीडिया अकाऊंटवरून शेअर केलाय. तर, 'आपण नक्की कोणत्या पक्षात आहोत, याबद्दल आपले छोटे महाराज थोडेसे गोंधळलेले आहेत', असं म्हणत सामाजिक कार्यकर्ते आणि प्रसिद्ध वकील प्रशांत भूषण यांनीही ज्योतिरादित्य शिंदे यांना चिमटा काढलाय. मध्य प्रदेश विधानसभा पोटनिवडणुकीचा निकाल रोजी निकाल जाहीर होईल. वाचा : वाचा :

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3egXIZi