काँग्रेसच्या युवा नेत्यानं केलेल्या 'या' ट्वीटमुळं चर्चेला उधाण

अहमदनगर: सरकारच्या वतीने विधानपरिषदेवर नियुक्त करण्यासाठी १२ नावांची यादी राज्यपाल यांच्याकडे नुकतीच सोपवण्यात आली आहे. त्यानंतर युवक काँग्रेसचे प्रदेशाध्यक्ष यांनी ‘श्रद्धा और सबुरी’ असं सूचक ट्वीट केल्यामुळे राजकीय वर्तुळात या ट्वीटची चांगलीच चर्चा रंगली आहे. महाराष्ट्र विधान परिषदेत राज्यपाल नियुक्त सदस्य म्हणून १२ सदस्यांची वर्णी लागणार आहे. सत्ताधारी शिवसेना, राष्ट्रवादी आणि काँग्रेस या तिन्ही पक्षांकडून प्रत्येकी ४ जणांना यात संधी मिळणार आहे. राज्य मंत्रिमंडळाच्या बैठकीत ही नावे आधीच निश्चित करण्यात आली होती. त्यानंतर काल, शुक्रवारी बारा नावांची यादी बंद पाकीटात राज्यपालांना महाविकास आघाडीकडून सादर करण्यात आली. या यादीमध्ये कोणाचे नाव आहे, कोणत्या पक्षाकडून कोणाला विधान परिषदेवर संधी मिळणार, याबाबत तर्कविर्तक लावण्यात येत आहेत. त्यातच सत्यजित तांबे यांनी ‘श्रद्धा और सबुरी’ असं ट्वीट केल्यामुळे राजकीय वर्तुळात चर्चेला उधाण आलं आहे. काही दिवसांपूर्वी विधान परिषदेवर सत्यजित तांबे यांची वर्णी लागणार असल्याची चर्चाही राजकीय वर्तुळात रंगली होती. त्यामुळे राज्यपालांकडे यादी सादर झाल्यानंतर तांबे यांनी केलेल्या ट्वीटला महत्व प्राप्त झाले आहे. राज्यपालांना पाठवण्यात आलेल्या यादीतील संभाव्य नावे शिवसेना नितीन बानुगुडे (शिवव्याख्याते), उर्मिला मातोंडकर (कला), विजय करंजकर (समाजसेवा, नाशिक जिल्हाप्रमुख), चंद्रकांत रघुवंशी राष्ट्रवादी काँग्रेस एकनाथ खडसे (समाजसेवा आणि सहकार), राजू शेट्टी (समाजसेवा व सहकार), यशपाल भिंगे (साहित्य), आनंद शिंदे (कला) काँग्रेस रजनी पाटील (समाजसेवा व सहकार), सचिन सावंत (समाजसेवा व सहकार), मुझफ्फर हुसेन (समाजसेवा व सहकार), अनिरुद्ध वनकर (कला) आणखी वाचा:

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/38jFULP