IPL मध्ये आज महामुकाबला; चेन्नईमधून या खेळाडूचा पत्ता कट होणार?

दुबई: आयपीएलमध्ये आज महेंद्र सिंह धोनीच्या चेन्नई सुपर किंग्जची कसोटी लागणार आहे. CSKची लढत विराट कोहलीच्या रॉयल चॅलेंजर्स बेंगळुरूविरुद्ध होत आहे. चेन्नईला कोणत्याही परिस्थितीत कामगिरीत मोठी सुधारणा करावी लागणार आहे. आणखी एक पराभव चेन्नईच्या पुढील वाटचाली अडचणीत आणणाऱ्या ठरू शकतील. वाचा- स्पर्धेत आतापर्यंत चेन्नईला ६ सामन्यात फक्त दोन विजय मिळवता आले. ते गुणतक्त्यात ६व्या स्थानावर आहेत. तर बेंगळुरूने ५ सामन्यात ३ विजयांसह पाचवे स्थान मिळवले. हे दोन्ही संघ पहिल्या टॉप ४ मधून बाहेर आहेत. वाचा- हेड टू हेडचा विचार केल्यास दोन्ही संघात २४ लढती झाल्या आहेत. त्यापैकी १५ चेन्नईने तर ८ बेंगळुरूने विजय मिळवला आहे. चेन्नई संघाने आयपीएमधील पहिल्याच सामन्यात मुंबई इंडियन्सचा पराभव करत धमाकेदार सुरूवात केली. पण त्यानंतर पंजाबविरुद्धचा सामना वगळला तर त्यांना काही प्रभाव टाकता आला नाही. वाचा- चेन्नईने अखेरचा सामना कोलकाताविरुद्ध खेळला होता. विजय विजय मिळवणाऱ्या सामन्यात चेन्नईचा पराभव झाला होता. केदार जाधवने १२ चेंडूत फक्त ७ धावा केल्या आणि चेन्नईचा १० धावांनी पराभव झाला. केदारची सहा सामन्यातील कामगिरी खराब आहे. त्यामुळे आज बेंगळुरूविरुद्धच्या सामन्यात त्याला डच्चू मिळण्याची शक्यता आहे. सर्वसाधारण बदल न करणाऱ्या चेन्नई संघात ३५ वर्षीय केदारला बाहेर बसवून अन्य कोणाला संधी मिळेल का हे पाहावे लागले. कारण या सामन्यात पराभव झाल्यास चेन्नईच्या प्लेऑफमध्ये स्थान मिळवण्यासाठीच्या अडचणी आणखी वाढतील.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/30NDsc0