डिझेल पुन्हा स्वस्त ; हा आहे आजचा पेट्रोल-डिझेल दर

मुंबई : करोना संकट रोखण्यासाठी लागू केलेल्या टाळेबंदीनं जागतिक बाजारात कच्च्या तेलाची मागणीवर मोठा परिणाम झाला होता. किमती शून्याखाली गेल्यानंतर कच्च्या तेलाची बाजारपेठ अद्याप सावरलेली नाही. जवळपास महिनाभरापासून तेलाचे दर ४० डॉलरच्या आसपास असल्याने देशांतर्गत कंपन्यांनी इंधन दर कपातीचे सत्र सुरु ठेवले आहे. आज डिझेलमध्ये १० पैसे कपात झाली. गेल्या आठवड्यात तीन दिवस दर कपातीला विश्रांती दिल्यानंतर कंपन्यांनी देशभरात डिझेल दर कपातीचे सत्र सुरु ठेवले होते. आज पुन्हा कंपन्यांनी करून ग्राहकांना दिलासा दिला. मुंबईत पेट्रोल ८७.७४ रुपये आणि डिझेल ७६.९३ रुपये प्रती लीटर कायम आहे. दिल्लीत आजचा पेट्रोलचा भाव ८१.०६ रुपये असून डिझेलचा भाव ७०.५३ रुपयांवर कायम आहे. चेन्नईत पेट्रोल ८४.१४ रुपये असून डिझेल ७६.०१ रुपये झाला आहे. कोलकात्यात पेट्रोल ८२.५९ रुपये आहे. डिझेलचा भाव ७४.०५ रुपये प्रती लीटर आहे. डब्ल्यूटीआय क्रूडचे दर ०.१३ टक्क्यांनी घसरले आणि ३९.८० डॉलर प्रती बॅरलपर्यंत खाली आले. अमेरिकेचे खासदार आणि व्हाइट हाऊसमधील अधिकाऱ्यांदरम्यान झालेल्या नव्या प्रोत्साहनपर मदतीच्या आशेने क्रूडला आधार दिला. मात्र साथीच्या विस्तारत जाणाऱ्या परिणामामुळे क्रूडच्या मागणीत सातत्याने घट होत आहे. कोव्हिड-१९च्या नव्याने आलेल्या लाटेमुळे जागतिक तेल बाजार घटला. करोना व्हायरसचा प्रादुर्भाव वाढत आहे. अशातच केंद्र सकारने आता अनलॉक ५ साठी मार्गदर्शक सूचना ( ) जारी केल्या आहेत. यानुसार येत्या १५ ऑक्टोबरपासून देशात मल्टिप्लेक्स चित्रपटगृह, स्विमिंग पूल सुरू होणार आहेत. पण सरकारने यासाठी काही अटी घातल्या आहेत. सामाजिक, क्रीडा, धार्मिक, सांस्कृतिक, राजकीय कार्यक्रमांना यापूर्वीच जास्तीत जास्त १०० नागरिकांच्या उपस्थितीत आयोजित करण्याची परवानगी देण्यात आली आहे. अनलॉक - ५ च्या मार्गदर्शक सूचनांनुसार राज्य सरकार १५ ऑक्टोबरनंतर शाळा-महाविद्यालये सुरू करण्याचा निर्णय घेऊ शकतात. महिनाभरात ३ रुपयांनी स्वस्त झाले डिझेल मुंबईत ३ सप्टेंबर रोजी पेट्रोलचा भाव प्रती लीटर ८८.७३ रुपये कायम आहे. डिझेलचा भाव ७९.९४ रुपये झाला आहे. त्याआधी २ सप्टेंबर रोजी डिझेलचा भाव ८०.११ रुपयांवर होता. आज डिझेलचा भाव प्रती लीटर ७७.०४ रुपये इतका खाली आला आहे. दर कपातीने डिझेल महिनाभरात सरासरी ३ रुपयांनी स्वस्त झाले आहे. पेट्रोल १.१९ रुपयांनी स्वस्तऑगस्टमधील दुसऱ्या आठवड्यानंतर पेट्रोल दरात कपात झाली होती. ही दर कपात १ सप्टेंबरपर्यंत कायम होती. दिल्लीत १३ दिवसांत पेट्रोल १.६५ रुपयांनी स्वस्त झाले होते. त्यानंतर पुन्हा १० सप्टेंबरनंतर पेट्रोल दरात ठराविक टप्प्यात कपात झाली आहे. ज्यात पेट्रोल १.१९ रुपयांनी स्वस्त झाले आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3kYWIuT