लाडक्या आमदाराला पवारांकडून मिळाली ही खास भेट

अहमदनगर: पारनेरचे राष्ट्रवादीचे आमदार निलेश लंके अल्पावधितच ज्येष्ठ नेते शरद पवार आणि उपमुख्यमंत्री यांचे निकटवर्तीय म्हणून गणले जाऊ लागले आहेत. पारनेर नगरपालिकेतील शिवसेनेचे नगरसेवक फोडल्यानंतर लंके राज्यभर गाजले. अलीकडेच त्यांनी शरद पवारांच्या नावाने पारनेरला कोविड केअर सेंटरही सुरू केले आहे. आता या कोविड केअर सेंटरसाठी पवार चॅरिटेबल ट्रस्टतर्फे कार्डियाक रुग्णवाहिका भेट देण्यात आली आहे. वाचा: ग्रामीण भागातील सर्वांत मोठे आणि आरामदायी मोफत सुविधा आणि उपचार देणारे कोविड केअर सेंटर अशी लंके यांच्या कोविड सेंटरची ओळख बनली आहे. स्वत: पवार आणि आरोग्यमंत्री राजेश टोपे यांनीही या केंद्राचे कौतूक केले होते. पवार चॅरिटेबल ट्रस्टतर्फे लंके यांच्या कामाचा गौरव करण्यात आला. त्यांच्या केंद्रासाठी अत्याधुनिक सुविधा असलेली कार्डियाक रुग्णवाहिका भेट देण्यात आली. उपमुख्यमंत्री अजित पवार, खासदर यांच्या प्रमुख उपस्थितीत पुण्यात झालेल्या एका कार्यक्रमात ही रुग्णवाहिका लंके यांच्याकडे सुपूर्द करण्यात आली. केवळ कोविड सेंटर नव्हे तर पारनेर विधानसभा मतदारसंघातील रुग्णांसाठी ही रुग्णवाहिका पुढेही वापरण्यात येणार आहे. या कार्यक्रमास आमदार लंके यांच्यासोबत लंके प्रतिष्ठानचे सचिव अड .राहुल झावरे, पोटघन मेजर, सचिन पठारे, अरुण पवार, अभय नांगरे, सचिन साठे, संतोष ढवळे, शिवाजी शिंदे आणि सहकारी उपस्थित होते. वाचा: आमदार लंके पूर्वी शिवसेनेत होते. पारनेरचे ते तालुकाप्रमुख होते. नंतर तत्कालीन आमदार विजय औटी यांच्यासोबत त्यांचे मतभेद झाल्याने त्यांनी सोडण्याचा निर्णय घेतला. २०१९ मध्ये काँग्रेसमध्ये प्रवेश करून विधानसभा निवडणूक लढविली आणि औटी यांचा पराभव करून विजय मिळविला. लंके यांना पक्षात आणून ताकद देण्यामध्ये अजित पवार यांचा मोठा वाटा असल्याचे सांगण्यात येते. त्यामुळे ते त्यांचे कट्टर समर्थक मानले जातात. काही महिन्यांपूर्वी लंके यांनी शिवसेनेचे नगरसेवक फोडून सर्वांचेच लक्ष वेधून घेतले. हे प्रकरण मिटविण्यासाठी या नगरसेवकांसोबतच त्यांनी मातोश्रीवर जाऊन मुख्यमंत्री उद्धव ठाकरे यांचीही भेट घेतली होती. मधल्या काळात ते ज्येष्ठ नेते शरद पवार यांचेही विश्वासू बनले. त्यांच्या मतदारसंघातील के. के. रेंजचा प्रश्न सोडविण्यासाठी ते पवारांसोबत दिल्लीलाही जाऊन आले. त्यामुळे पवार कुटुंबियांच्या जवळ गेलेल्या लंके यांना कार्डियाक रुग्णावाहिकेची मिळालेली भेट चर्चेची ठरली आहे. आता त्यांना राजकीय भेट काय मिळणार, याकडे लक्ष लागले आहे. वाचा:

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3k3xLy5