इंधन दर ; जाणून घ्या आजचा पेट्रोल-डिझेलचा भाव

मुंबई : जगभरात करोना रुग्णांची संख्या झपाट्याने वाढत आहे. युरोपात करोनाची दुसरी लाट येण्याची शक्यता आहे. त्यामुळे जागतिक कमॉडिटी बाजारावर परिणाम झाला आहे. पुन्हा टाळेबंदी झाल्याने कच्च्या तेलाचे भाव आणखी घसरण्याची भीती उत्पादकांना वाटत आहे. करोना रुग्णांची वाढती संख्या आणि अमेरिकन अर्थव्यवस्था सावरण्यासाठी जाहीर होणाऱ्या आर्थिक पॅकेजच्या शक्यतेने जागतिक बाजारपेठेत कच्च्या तेलाच्या किमतीवर परिणाम झाला आहे. कच्चे तेल तूर्त स्वस्त असल्याने पेट्रोलियम कंपन्यांनी सोमवारी इंधन दर 'जैसे थे'च ठेवले आहेत. पेट्रोलियम कंपन्यांनी आज सोमवारी सलग १७ व्या दिवशी इंधन दर स्थिर ठेवले. त्यामुळे आज मुंबईत पेट्रोल ८७.७४ रुपये आणि डिझेल ७६.८६ रुपये प्रती लीटर कायम आहे. दिल्लीत आजचा पेट्रोलचा भाव ८१.०६ रुपये असून डिझेलचा भाव ७०.४६ रुपयांवर कायम आहे. चेन्नईत पेट्रोल ८४.१४ रुपये असून डिझेल ७५.९५ रुपये आहे. कोलकात्यात पेट्रोल ८२.५९ रुपये आहे. डिझेलचा भाव ७३.९९ रुपये प्रती लीटर झाले आहे. अमेरिकेतील इक्विटीत वाढ आणि डॉलरचे मूल्य घसरल्याने डब्ल्यूटीआय क्रूडचे दर ४१.० डॉलर प्रति बॅरलवर स्थिरावले आहेत. कच्च्या तेलातील मागणीतील सुधारणेच्या चिंतेने अर्थकारणावर परिणाम झाला. काही कार्गोनी जकातशुल्क वसूल केल्यामुळे सप्टेंबर २०२० मध्ये चीनची क्रूडची आयात १७.५ टक्क्यांनी वाढली व ती ११.८ दशलक्ष एवढी झाली. चीनकडून मागणी वाढल्याने तसेच जगातील मोठा तेल ग्राहकांनीही कच्च्या तेलाच्या दरांना आणखी आधार दिला. साथीच्या आजारामुळे निर्माण झालेल्या अडथळ्याने ओपेकने तेलाच्या मागणीतील सुधारणा कमकुवत असल्याचे संकेत दिले. तसेच अमेरिकी क्रूड साठ्यात घट झाल्याच्या अहवालामुळे तेलाच्या दरांना आधार मिळण्याची शक्यता आहे. खनिज तेलाचा सर्वात मोठा ग्राहक असलेल्या चीनच्या तेल आयातीत १७.५ टक्के वाढ झाली आहे. दररोज ११.८ दशलक्ष बॅरलने वाढ होत आहे. त्यामुळे करोना संकटातून चिनी अर्थव्यवस्था सावरल्याचे दिसून येत आहे. मात्र तेलाचा पुरवठा वाढल्याने किमतींवर परिणाम झाल्याचे कमॉडिटी विश्लेषकांचे म्हणणे आहे.एनर्जी इन्फॉर्मेशन अॅडमिनिस्ट्रेशनच्या अहवालानुसार पुढील महिन्यात ७ मोठ्या शेल फॉर्मेशनमधील तेल उत्पादनात १२१००० बॅरलची घट होण्याची शक्यता वर्तवण्यात आली आहे. महिनाभरात डिझेल तीन रुपयांनी स्वस्त दरम्यान मागील महिनाभरात पेट्रोलियम कंपन्यांनी कपातीचा सपाटा लावला होता. त्यामुळे डिझेल दरात एक लीटर मागे ३.१० रुपयांची घट झाली आहे. महिनाभरात डिझेल तीन रुपयांनी स्वस्त झाल्याने मालवाहतूकदारांची थोडीफार बचत होणार आहे. याच कालावधीत पेट्रोल १.१९ रुपयांनी स्वस्त झाले आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/349VN5f