करोना: लशीसाठी भारताची WHO सोबत चर्चा; कोवॅक्समध्ये सहभागी होणार!

जिनिव्हा: करोनाच्या वाढत्या संसर्गाच्या पार्श्वभूमीवर लस विकसित करण्याचे अनेक देश प्रयत्न करत आहेत. तर, दुसरीकडे लस विकसित झाल्यानंतर त्याचे योग्य वितरण झाले पाहिजे यासाठी प्रयत्न सुरू आहेत. जागतिक आरोग्य संघटना आणि भारता दरम्यान करोना लशीबाबत चर्चा सुरू आहे. जागतिक आरोग्य संघटनेचे वरिष्ठ सल्लागार ब्रूस आयलवर्ड यांनी ही माहिती दिली. कोवॅक्स (COVAX)फॅसिलिटीचा हिस्सा बनण्यासाठी भारतदेखील पात्र असल्याचे त्यांनी पत्रकार परिषदेत म्हटले. जागतिक आरोग्य संघटना आणि 'गावी द वॅक्सीन अलायन्स' () या कोवॅक्स फॅसिलिटीचे नेतृत्व करत आहेत. या माध्यमातून जगभरात करोनाला अटकाव करणाऱ्या लस खरेदी करणे आणि त्याच्या लस वितरणात मदत करण्यात येणार आहे. अमेरिकेसह अनेक देशांनी लस विकसित करणाऱ्या अनेक कंपन्यांसोबत थेट लस खरेदीचा करार केला आहे. या देशांनी कराराद्वारे लस पुरवठ्याची खात्री केली आहे. वाचा: वाचा: लशीवर डॉ. हर्षवर्धन यांनी काय म्हटले होते? भारताचे आरोग्य मंत्री डॉ. हर्षवर्धन यांनी मागील महिन्यात म्हटले की, या वर्षाच्या अखेरपर्यंत भारतात पहिली लस उपलब्ध होऊ शकते. कोविड-१९वरील एक लस क्लिनिकल चाचणीच्या तिसऱ्या टप्प्यात आहे. या वर्षाच्या अखेरीस भारतात लस उपलब्ध होईल असा विश्वास त्यांनी व्यक्त केला होता. वाचा: कोवॅक्स फॅसिलिटी म्हणजे काय? कोवॅक्स फॅसिलिटी ही करोनाच्या लशीबाबत जागतिक पातळीवर तयार करण्यात आलेला एक मंच आहे. लस विकसित, उत्पादन आणि सर्वा देशांमध्ये लशीचे वितरण करण्याच्या उद्देश्याने हा मंच तयार करण्यात आला आहे. या मंचाचे नेतृत्व 'गावी द वॅक्सीन अलायन्स'च्यावतीने करण्यात येणार आहे. गावी एपिडेमिक प्रिपेयर्डनेस इनोव्हेशन (CEPI) आणि जागतिक आरोग्य संघटनेचा संयुक्त मंच आहे. १५ जुलैपर्यंत ७५ देशांनी कोवॅक्स फॅसिलिटीसाठी सहमती दर्शवली आहे. वाचा: कोवॅक्समुळे लशीची उपलब्ध होणार एका वृत्तानुसार, सरकार कोणत्याही परदेश लस कंपनीच्या थेट संपर्कात नाही. मात्र, लशीसाठी गावी आणि CEPI मध्ये सहभाग घेणे आवश्यक आहे. कोवॅक्स हा जागतिक आरोग्य संघटना, गावी आणि CEPI यांचा संयुक्त मंच आहे. याद्वारे सर्वच देशांमध्ये लशीची मागणी पूर्ण करता येणे शक्य होणार आहे. त्याशिवाय विकसित देश वगळून इतर सर्व देशांना आवश्यकतेच्या किमान २० टक्के लस पुरवठा करण्याचा कोवॅक्सचा उद्देश्य आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3jQUUDq