कमॉडिटी बाजारात नफावसुली ; सोने-चांदीचे भाव गडगडले

मुंबई : जागतिक बाजारातील नकारात्मक संकेतांचे पडसाद आज कमॉडिटी बाजारात उमटले. शुक्रवारी सकाळी सोने आणि चांदीच्या किमतीत मोठी घसरण झाली आहे. सोन्याचा भाव ५१ हजार रुपयांच्या आसपास आहे. तर चांदी १००० रुपयांनी स्वस्त झाली आहे. मल्टी कमॉडिटी एक्सचेंजमध्ये गुरुवारी दुपारनंतर सोने आणि चांदीच्या दरात वाढ झाली होती. मात्र आज पुन्हा सकाळपासून दोन्ही धातूंमध्ये विक्रीचा सपाटा सुरु आहे. सध्या सोन्याचा भाव प्रती १० ग्रॅम ४२४ रुपयांनी कमी झाला असून तो ५१३५० रुपये आहे. त्याने ५१२२४ रुपयांचा नीचांकी स्तर गाठला होता. चांदीमध्ये १०५५ रुपयांची घसरण झाली असून एक किलोचा भाव ६७९३६ रुपये आहे. goodreturns या वेबसाईटच्या आकडेवारीनुसार शुक्रवारी मुंबईत २२ कॅरेट सोन्याचा भाव ४९५०० रुपये आहे. तर २४ कॅरेटसाठी तो ५०५०० रुपये आहे. दिल्लीत २२ कॅरेट सोन्याचा भाव ५०२६० रुपये असून २४ कॅरेट सोन्याचा भाव ५४८३० रुपये आहे. कोलकात्यात २२ कॅरेट सोन्याचा भाव ५०५१० रुपये असून २४ कॅरेट सोन्याचा भाव ५३२१० रुपये आहे. चेन्नईत २२ कॅरेट सोन्याचा भाव ४९२६० रुपये असून २४ कॅरेट सोन्याचा भाव ५३७३० रुपये आहे. वाचा : जागतिक कमॉडिटी बाजारात सोन्याची मागणी वाढली आहे. करोना संकटाची तीव्रता आणि आर्थिक समस्या यामुळे सोन्याला सुगीचे दिवस पुन्हा प्राप्त झाले आहेत. शुक्रवारी स्पॉट गोल्डचा भाव प्रती औंस ०.३ टक्क्यांनी घसरला आणि १९४७.४१ डॉलर प्रती औंस झाला आहे. ०.३ टक्क्यांनी घसरला असून तो २६.८४ डॉलर प्रती औंस आहे. वाचा : जगात कोव्हीड-१९ चे रुग्ण वाढत असूनही कमोडिटीजचे दर मजबूत स्थितीत आहेत. पुरवठ्यासंबंधीच्या अडचणी असूनही जगभरातील अर्थव्यवस्था सुरु झाल्याने गुंतवणूकदार जोखीम घेण्यास तयार असल्याचे चित्र आहे. कोरोना संसर्गाचे प्रमाण सतत वाढत असल्याने वेगाने आर्थिक सुधारणेची आशा मावळत आहेत तसेच अमेरिका-चीनदरम्यानचा तणावही वाढतच असल्याने बुधवारी, स्पॉट गोल्डचे दर ०.८१ टक्क्यांनी वाढले व ते १९४६.७ डॉलर प्रति टनांवर स्थिरावले असल्याचे एंजल ब्रोकिंग लिमिटेडचे उपाध्यक्ष प्रथमेश माल्या यांनी सांगितले. जगभरात कोव्हिड-१९ च्या वाढत्या प्रमाणामुळे बाजाराच्या भावनांवर परिणाम कायम आहे. साथीच्या आजाराचा जागतिक अर्थव्यवस्थेवरील व्यापक परिणाम झाल्याने सुरक्षित मालमत्ता असलेल्या सोन्याच्या मागणीतही वाढ झाली आहे. गुरुवारी संपणा-या दोन दिवसीय इसीबीच्या चलनधोरणाच्या बैठकीने गुंतवणूकदारांचे लक्ष वेधले आहे. कारण वाढत्या युरोबाबत आगामी काळात धोरणकर्त्यांचे काय भूमिका आहे, हे महत्त्वाचे आहे. गेल्या महिन्यात कमॉडिटी बाजारात सोने ५६२०० रुपयांपर्यंत वाढले होते. तर चांदीने देखील ८०००० रुपयांपर्यंत झेप घेतली होती. मात्र त्यानंतर सातत्याने या दोन्ही धातूंमध्ये नफा वसुली दिसून आली आहे. सोने जवळपास पाच हजार रुपयांनी तर चांदी १० हजारांनी स्वस्त झाली आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2ZqIVox