घसरण सुरूच ; आज पुन्हा सोने-चांदी झाले स्वस्त

मुंबई : आज कमॉडिटी बाजारात सोन्याच्या किमतीत पुन्हा एकदा घसरण झाली आहे. बुधवारी सकाळी कमॉडिटी बाजार सुरु होताच सोने २१७ रुपयांनी स्वस्त झाले आहे. सध्या सोन्याचा भाव प्रती १० ग्रॅम ५११३६ रुपये आहे. चांदी देखील ४९४ रुपयांनी स्वस्त झाली आहे. मागील पाच दिवसांत चौथ्यांदा सोने आणि चांदीच्या दरात घसरण झाली आहे. मंगळवारी मात्र सोने ०.६ टक्के आणि चांदी ०.५५ टक्क्यांनी वधारले होते. गेल्या महिन्यात कमॉडिटी बाजारात सोने ५६२०० रुपयांपर्यंत वाढले होते. तर चांदीने देखील ८०००० रुपयांपर्यंत झेप घेतली होती. याच दरम्यान मल्टी कमॉडिटी एक्सचेंजमध्ये सोने आणि चांदीचे विक्रमी सौदे देखील झाली. MCX च्या आकडेवारीनुसार ऑगस्ट आणि सप्टेंबर या कालावधीत १३९ टन चांदीची डिलिव्हरी देण्यात आली. मात्र त्यानंतर सातत्याने या दोन्ही धातूंमध्ये नफा वसुली दिसून आली आहे. सोने जवळपास पाच हजार रुपयांनी तर चांदी १० हजारांनी स्वस्त झाली आहे. वाचा : जागतिक कमॉडिटी बाजारात सोन्याची मागणी वाढली आहे. करोना संकटाची तीव्रता आणि आर्थिक समस्या यामुळे सोन्याला सुगीचे दिवस पुन्हा प्राप्त झाले आहेत. स्पॉट गोल्डचा भाव १९२९.३० डॉलर प्रती औंस आहे. ०.२ टक्क्यांनी घसरला असून तो २६.६६ डॉलर प्रती औंस आहे. वाचा : सोने काही प्रमाणात स्वस्त झाल्याने सराफा बाजारात सोन्याची किंचित वाढल्याचे सराफ व्यावसायिकांचे म्हणणे आहे. goodreturns या वेबसाईटच्या आकडेवारीनुसार बुधवारी मुंबईत २२ कॅरेट सोन्याचा भाव ४९५६० रुपये आहे. तर २४ कॅरेटसाठी तो ५०५६० रुपये आहे. दिल्लीत २२ कॅरेट सोन्याचा भाव ४९८१० रुपये असून २४ कॅरेट सोन्याचा भाव ५४३२० रुपये आहे. कोलकात्यात २२ कॅरेट सोन्याचा भाव ५०२९० रुपये असून २४ कॅरेट सोन्याचा भाव ५३९९० रुपये आहे. चेन्नईत २२ कॅरेट सोन्याचा भाव ४८८६० रुपये असून २४ कॅरेट सोन्याचा भाव ५३३०० रुपये आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3jUsPes