पत्नीला बॉयफ्रेंडसोबत हॉटेलमध्ये रंगेहाथ पकडले; पतीने चपलेने थोबडवले

अविनाश जयसवाल, आगरा: पतीने पत्नीला तिच्या बॉयफ्रेंडसोबत हॉटेलमध्ये रंगेहाथ पकडले. हॉटेलच्या खोलीत दुसऱ्या तरुणासोबत आक्षेपार्ह स्थितीत पाहिल्यानंतर रागाने लालबूंद झालेल्या पतीनं तिला चपलेने मारहाण केली. या प्रकाराचा व्हिडिओ बनवून त्याने तो सोशल मीडियावर व्हायरल केला. या घटनेने 'प्रेमनगरी' आग्रामध्ये खळबळ माजली आहे. या प्रकरणी कोणतीही तक्रार न आल्याने पोलिसांनी कारवाईपासून हात झटकले. सोशल मीडियावर व्हायरल झालेला व्हिडिओ ताजगंज पोलीस ठाण्याच्या हद्दीतील एका हॉटेलमधील असल्याचे सांगण्यात येत आहे. या परिसरात राहणारी एक महिला या हॉटेलमध्ये बॉयफ्रेंडसोबत आली होती. या हॉटेलात ओळखपत्राविना खोली मिळते. महिला या हॉटेलच्या खोलीत बॉयफ्रेंडसोबत आक्षेपार्ह अवस्थेत असतानाच, तिचा पती काही साथीदारांसोबत तिथे आला. त्याने तरुणाला आणि पत्नीला चांगलाच चोप दिला. तसेच पत्नीला चपलेने मारतानाचा व्हिडिओ तयार केला. पती मारहाण करत असताना पत्नीही त्याच्याबद्दल अपशब्द वापरत होती, असे या व्हिडिओत दिसते. दरम्यान, सध्या आग्रामधील पर्यटन उद्योग संकटात आले आहे. त्यामुळे येथील हॉटेल व्यावसायिक हॉटेल किंवा फार्म हाऊस इतर व्यक्तींना भाडेतत्वावर देत आहेत. भाडेतत्वावर घेतल्यानंतर काही जण हॉटेलमधील खोल्या वेश्याव्यवसाय आणि इतर अवैध कामांसाठी देत असल्याचे उघड झाले आहे. त्यामुळे हॉटेल चालकांना कमी वेळात जास्तीत जास्त पैसे मिळत आहेत. पोलिसांनी कारवाई केली तरी, हॉटेल चालकाचे नाव बदलले जात आहे. त्यामुळे हॉटेल बंद न होता पुन्हा सुरू केले जातात, अशी माहिती समोर येऊ लागली आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2ZtEWHE