डिझेल झाले स्वस्त ; जाणून घ्या आजचा भाव

मुंबई : तीन दिवस दर कपातीला विश्रांती दिल्यानंतर आज पुन्हा एकदा कंपन्यांनी डिझेलमध्ये कपात केली आहे. शनिवारी देशभरात डिझेल १६ पैशांनी स्वस्त झाले. पेट्रोलचा भाव मात्र जैसे थेच आहे. आज शनिवारी मुंबईत पेट्रोल ८७.७४ रुपये असून डिझेलचा भाव प्रती लीटर भाव ७७.३६ झाला आहे.दिल्लीत आजचा पेट्रोलचा भाव ८१.०६ रुपये असून डिझेलचा भाव ७०.९१ रुपये आहे. चेन्नईत पेट्रोल ८४.१४ रुपये असून डिझेल ७६.४० रुपये झाला आहे. कोलकात्यात पेट्रोल ८२.५९ रुपये आहे. डिझेल ७४.४६ रुपये प्रती लीटरपर्यंत घसरले आहेत. गेल्या आठवड्यात कंपन्यांनी डिझेलमध्ये मोठी कपात केली होती. शनिवारी २० पैसे आणि रविवारी २२ पैशांनी डिझेल स्वस्त झाले होते. शुक्रवारी पेट्रोल २६ पैसे आणि डिझेल ३७ पैशांनी स्वस्त झाले होते. गुरुवारी पेट्रोल आणि डिझेलमध्ये १३ ते २० पैशांची कपात झाली. बुधवारी इंधन दर स्थिर ठेवले होते. मंगळवारी कंपन्यांनी पेट्रोल दरात १७ पैसे आणि डिझेलमध्ये २२ पैशांची कपात केली. तर सोमवारी पेट्रोल १४ पैसे आणि डिझेल १५ पैशांनी स्वस्त झाले होते. शुक्रवारी कच्चे तेलाचे (डब्ल्यूटीआय क्रूड) दर २ टक्क्यांनी घसरले आणि ४१.९२ डॉलर प्रती बॅरलपर्यंत खाली आला होता. कोव्हीड-१९ च्या वाढत्या रुग्णांमुळे तसेच लिबियन तेल उत्पादन पुन्हा सुरू झाल्याने तेलाचा पुरवठा वाढण्याची शक्यता आहे. लिबियन तेल उत्पादन पुन्हा सुरू झाल्याने जागतिक क्रूड मार्केटमध्ये जवळपास दररोज लाखो बॅरल तेलाचा पुरवठा होणार आहे. दरम्यान, इंधन मागणी वाढली असल्याचे सप्टेंबरच्या पहिल्या पंधरवड्यात दिसून आले आहे. पेट्रोलची विक्रीचे प्रमाण करोना पूर्व स्थितीला गेले आहे. १ ते १५ सप्टेंबर या या काळात पेट्रोल विक्रीत २.२ टक्के वाढ झाली.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3mWfncn