भरपाई ; चौफेर खरेदीने शेअर निर्देशांक वधारले

मुंबई : बँका, वित्त संस्था, फार्मा कंपन्यांच्या शेअरला आज जोरदार मागणी आहे. रिलायन्स, आयसीआयसीआय बँक, टीसीएस, एचडीएफसी बँक, पॉवरग्रीड, भारती एअरटेल, एसबीआय, टेक महिंद्रा, टाटा स्टील, कोटक बँक, बजाज फिन सर्व्ह, मारुती, ओएनजीसी या शेअरमध्ये वाढ झाली आहे. कोरोनाचे संकट कायम आहे. मात्र त्याचबरोबर औषध निर्माण कंपन्यांची व्यावसायिक वृद्धी सुरु आहे. आज लुपीन, सिप्ला या शेअरमध्ये वाढ झाली आहे. फार्मा शेअरमध्ये १० टक्के तेजी आहे. सध्या १३८ अंकांनी वधारला असून तो ३९११८ अंकांवर ट्रेड करत आहे. ५० अंकांनी वधारुन ११५६६ अंकांवर ट्रेड करत आहे. कालच्या सत्रात, बँकिंग आणि मेटल स्टॉक्समुळे निर्देशांकात मोठी घसरण झाली. रिलायन्स इंडस्ट्रीचा या घसरणीत मोठा वाटा दिसून आाला. दिवसअखेर निफ्टी ८८.४५ अंकांनी कमी होऊन ११,५१६.१० अंकांवर स्थिरावला. एसअँडपी बीएसई सेन्सेक्स ३२३.०० अंकांनी कमी होऊन ३८,९७९.८५ अंकांवर बंद झाला होता. बाजारात हिंडाल्को ४.३५ टक्के, टाटा मोटर्स २.४४ टक्के, श्री सिमेंट २.३४ टक्के, बजाज फिनसर्व्ह २.२० टक्के आणि अदानी पोर्ट्स २.०१ टक्के हे निफ्टीतील टॉप लूझर्स ठरले. डॉ. रेड्डीज लॅबरोटरीज ४.२६ टक्के, झी एंटरटेनमेंट २.३६ टक्के, एचसीएल टेक्नोलॉजीज २.१६ टक्के, इन्फोसिस ०.९२ टक्के आणि मारुती सुझूकी ०.७४ टक्के हे निफ्टीतील टॉप गेनर्स ठरले. फार्मा, आयटी आणि मीडिया वगळता इतर सर्व क्षेत्रातील निर्देशांकात घसरण झाली. बीएसई मिडकॅप ०.२४ टक्के घसरला तर बीएसई स्मॉलकॅपमध्ये ०.५३ टक्क्याची घट दिसून आली. देशांतर्गत इक्विटी बाजारात विक्री दिसून आल्याने अमेरिकी डॉलरच्या तुलनेत भारतीय रुपयाने ७३.५५ रुपयांवर स्थिरावला. कोव्हिड-१९च्या सातत्याने वाढणाऱ्या जगभरातील रुग्णसंख्येमुळे तसेच साथीमुळे आलेल्या आर्थिक मंदीच्या चिंतेने जागतिक बाजाराने घसरणीचा व्यापार केला. नॅसडॅकने १.२५ टक्के, हँगेंगने १.५६ टक्के, निक्केई २२५ ने ०.६७ टक्क्याची घसरण नोंदवली. एफटीएसई १०० व एफटीएसई एमआयबीने अनुक्रमे ०.५९ टक्के आणि १.२४ टक्क्याची घट अनुभवली.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2FNDOYF